AMOS 5:16 - KITTA' MATANGKASA'

¹⁶ Nakana Batara Kaminang Koasaya, “Ri agang-agang kotaya, lappiraungi siagang lakkunrarengi taua lanri si'nana pa'mai'na. Ba'lalo sikamma pamarria lanikioki untu' amminawang angngarru' siagang sikamma tau nibayaraka untu' angkarruki tau matea.

AMOS 5:16 Referans Kwoze

YO"EL 1:11

He pamarria, appiraung mako! He pakoko anggoroka, angngarru' mako! Nasaba' gandung, jelai siagang sikontu wasseleka putta kabusu'mi.

YEREMIA 9:10

Inakke, Yeremia, kukana, “Erokka' angngarru' siagang susai pa'maikku lanri sikamma rukuka ri paranga siagang ri moncong-monconga kalotoro' sikalimi siagang tanioloami ri tau. Tenamo nilangngere' sa'ra olo'-olo', jangang-jangang siagang olo'-olo' maraenga lari ngasemmi siagang lanynya' ngasemmi.”

PAPPICINI' 18:19

Jari naboneimi au ulunna ke'nanga a'jari pammatei attau matei ke'nanga; nampa angngarru' siagang ammarrang-marrang ke'nanga angkana, “Adudu, teai sipato' cilakana anne kota lompoa! Kakalumanynyanganna ampa'jari kalumanynyangi sikamma tau niaka kappala'na ri tamparanga. Mingka lalang sijangji bawang sallona, natappela' ngasemmo sikontu apa-apanna!”

PAPPICINI' 18:10

Lammenteng battu bellami ke'nanga lanri mallaki ke'nanga nitaba todong ri kasessanna. Nakanamo ke'nanga, “Adudu, teai sipato' cilakana anne kota masahoroka, kota Babel kassaka! Sinampe' duduji sallona hukkunganTa naKiposso'mo!”

MIKHA 2:4

Sarennu lanipakei ri taua a'jari piandere', siagang lappareki ke'nanga kelong-kelong kasusaang kammaya anne, ‘Naallemi Batara anne pa'rasanganna ikambe siagang Napassareang mae ri tau antahangai ikambe. Ancuru' taba sikalimi ikambe.’ ”

MIKHA 1:8

Lanri kammana anjo, inakke, Mikha, si'nai pa'maikku siagang akkunrarenga'. La'jappa' natena kummakeang siagang tena kummake pa'lapa' bangkeng untu' ampappicinikangi angkanaya antekamma si'nana pa'maikku. Lappilollonga' rapang kongkong romang siagang lammarranga' rapang unta.

AMOS 8:10

Sikamma passua'-suarrannu laKupinrai a'jari kasusaang, siagang kelong-kelonnu a'jari karru'. LaKupa'jariko ikau ancukkuruki kalennu siagang ammakeko kaeng karung tanra si'na. Rapangko anrong mangge angkarruki kamateanna ana' sitau-tauna. Anjo alloa lakala'busangi a'jari allo sanna' appakasi'nana pa'mai'.”

AMOS 5:27

Punna Kupelakko mange ri se'reang pa'rasangang la'bi bellaya battu ri Damsyik. INakke Batara niarenga Allata'ala Kaminang Koasaya, anne akkana.”

AMOS 3:13

Nakana Batara Kaminang Makoasaya siagang Kaminang Tinggia, “Parhatikangi kamma-kamma anne, siagang pakaingaki jari-jarina Yakub.

YO"EL 1:14

Parentakangi umma'nu untu' appuasa, pappiassengangi passibuntulang lompoa! Kioki sikamma pamimpinga siagang tutoa-toaya, kammayatompa sikontu pandudu'na Yehuda, sollanna battu mae ri Balla'Na Allata'ala, untu' akkio' appala' tulung mae ri Ia.

YO"EL 1:8

Angngarru' mako, he ummaka, rapang tulolo susaya nyawana angkarruki kamateanna bayuanna sannaka nangaina.

YEREMIA 4:31

Allangngereka' sa'ra kunrareng rapang baine eroka ammana'; rapang baine lolo allassukanga ana' bungasa', kammaminjo karru'na Yerusalem siagang sukkara'na a'mai'. Akkaeng-kaengi limanna nakkunrareng, angkana, “Bala kugappa – lanibunoa' ri musua!”

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

YESAYA 15:8

Kemae-kemae ri pa'baeng-baenna Moab nia' kalangngerang sa'ra tau ammarrang. Piraunga kalangngerangi ri Eglaim siagang Beer-Elim.

2 PATTOTTORANG 35:25

Appareki Na'bi Yeremia se're kelong karru' untu' Karaeng Yosia. Sa'genna kamma-kamma anne anjo kelonga nipakei ri Israel ri pakelonga, baji' bura'ne kammayatompa baine, lalang pangngu'rangi kasusaang mae ri kamateanna Yosia. Anjo kelonga nipantamaki ri passe'reanna kelong-kelong karruka.

YEREMIA 30:5

“Kulangngere'mi pakkio'na tau annekkereka, pakkio'na tau mallaka tenaya naamang nasa'ring.

HOSEA 4:3

Lanri kammana anjo anne pa'rasanganga la'jari kalotoroki, siagang sikontu apa attallasaka anjoreng lamate kabusuki. Sikontu rupanna olo'-olo' niaka ri allaka, ri buttaya siagang ri tamparanga lapanra' kabusuki.”

YO"EL 1:15

A'reppese'mi AllonNa Batara, iamintu allo appakamalla'-mallaka; wattu appabattuna kaancurang Kaminang Makoasaya.

AMOS 8:3

Ri anjo alloa sikamma kelong-kelonga ri balla' karaenga la'jari karruki. Kemae-kemae attambung mayaka, le'baka nipela' cokko-cokko.”

YEREMIA 9:16

LaKupasiaraki ke'nanga mange ri alla'na bansa-bansa tenaya naassengi ke'nanga yareka ri boe-boena ke'nanga. Latulusu' appabattuA' tantara untu' ambunduki ke'nanga sa'genna Kuancuru' taba sikali ke'nanga.”