AMOS 5:13 - KITTA' MATANGKASA'

¹³ Lanri anjo panggaukannu, nabajikangngammo nasa'ring tucara'deka a'mereki mamo ri anjo jammang kaja'dallanga.

AMOS 5:13 Referans Kwoze

2 TIMOTIUS 3:1

U'rangi anne: Ri allo-allo kala'busanga sallang, lajai kasusaang battu.

MIKHA 2:3

Lanri kammana anjo Nakana Batara, “Kurancanakangi bala lompoa mae ri kau ngaseng, sa'gennu takkullea ta'lappasa'. Ri anjo wattu sialaka tenamo nula'jappa tampo.

HOSEA 4:4

Nakana Batara, “He sikamma imanga, teako nia' ansalakangi yareka angkalarroi ummakKu, nasaba' ikau ngaseng Kusalakang!

KATO'BA 3:7

wattu untu' angngekke' siagang wattu untu' anjai' wattu untu' a'mereki siagang wattu untu' a'bicara.

EFESUS 6:13

Lanri kammana, anne kamma pake ngasemmi sikontu sanjataNa Allata'ala sollannu akkulle angngewai musua ri allo-allo kaja'dallanga anne. Sollanna punna le'ba' mako a'bundu' sa'genna kala'busang, tuli makassa' ijako.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

AMOS 6:10

Sitau anggota kaluargana ia tugasaka angngurusuki panguburanna, laniaki battu siagang naerangi assulu' maya'na bijanna. Lakkioki mae ri tau niaka ri bageang bokona anjo ballaka angkana, “Apaka nia' ija maraeng attallasa' pantaranganna ikau?” Na lania'mo sa'ra appiali angkana, “Tenamo!” Anjo anggota kaluarga tugasaka antarawangi anjo mayaka lanakana, “Tea' mako a'bicarai pole! Takkulleaki' ampaui arenNa Batara.”

YESAYA 37:3

Iaminne pasanna Hizkia napabattua ke'nanga mae ri Na'bi Yesaya, “Anne alloa, allo kasusaang; nihukkungki' siagang nihinaki'. Rapangki' baine erokamo ammana', mingka la'busu'mi kagassinganta.

YESAYA 36:21

Nalangngere'na anjo, tenamo nappiali pandudu'na Yerusalem, saba' le'ba'mi niparentakang ke'nanga ri Karaeng Hizkia sollanna tena nakkana-kana ke'nanga.

KATO'BA 9:12

Takkulleai naasseng rupataua ringngapanna nabattu wattunna. Sanrapang jangang-jangang naalle sikko' siagang juku' naalle jala, kamma tomminjo rupataua natuju bala, ri wattu tenaya nasanna-sannai.

2 KARAENG-KARAENG 18:36

Nalangngere'na anjo kana kammaya, tena nappiali pandudu'na Yerusalem, lanri le'ba'mi niparentakang ri Karaeng Hizkia sollanna a'mereki mamo ke'nanga.

AYUB 32:16

Ammenteng mami ke'nanga, takkulleami a'bicara. Maka musti attayanga' manna na'merekimo ke'nanga?

PAMMUJI 38:14

Mingka sanrapanga' tau tongolo' tamallangngera, sanrapanga' tau pepe tamakkanaya.