AMOS 4:12 - KITTA' MATANGKASA'

¹² Lanri kammana anjo, he umma' Israel, laKuhukkungko. Jari, sadia-sadia mako andallekangi hukkungang laKupabattua mae ri kau!”

AMOS 4:12 Referans Kwoze

YEHEZKIEL 13:5

Tena ke'nanga najagai tembo'-tembo' runtunga, siagang tena todong napakabajiki anjo tembo'-temboka. Jari, takkulleai nipartahangkang Israel punna kajariang bunduka ri allo battuKu anghukkungi.

YESAYA 47:3

Lanacinikko taua assolara', nihina siagang nipakasiri'. ErokKa' a'balasa' mae ri kau, na tena manna sitau laKupata'lappasa'.”

MATIUS 24:44

Jari parallu tongko sadi'-sadia. Nasaba' tena nuassengi wattunna nati'ring lania' battu Ana' Ma'rupataua.”

MATIUS 5:25

Ebara'na nia' tau antuntukko mange ri pangadelanga, assibajiki memang mako lalang nia'na ija wattu, lalang tenanapa nubattu mange ri pangadelanga. Nasaba' punna tenapa nussibajiki nanubattu mange ri pangadelanga, tena tanapassareannu anjo taua mange ri hakinga; nampa hakinga ampassareangko mange ri pulisia; nampa napantamakko pulisia ri tarungkua;

HOSEA 13:8

SanrapangA' beruang tappelaka ana'na lambakkaiko. LaKukae-kaeko. RapangA' singa lambakkaiko ri tampa'nu, siagang rapangA' olo'-olo' sekke' laKukae-kaeko.

YEHEZKIEL 22:30

Ri alla'na anjo tu Israel, a'boyA' tau akkullea ambangung tembo', yareka ammenteng ri tampa'-tampa' runtunga tembo'na untu' ampartahangkangi anjo pa'rasanganga punna erokKa' angngancuruki lalang a'bettese'na larroKu; mingka manna sitau tania' Kubuntulu'.

PAPPICINI' 3:3

Jari, u'rangi ammotere' apa le'baka nipangngajarrang mae ri kau riolo siagang apa le'bakamo nulangngere'. Gaukangi anjo sikammaya, siagang toba' ngaseng mako battu ri dosa-dosanu. Punna tambangungako, labattuA' mae ri kau sanrapang palukkaka; natanuassenga angkanaya ringngapanna wattua naKulabattu.

AMOS 2:14

Manna tau gassinga lari tena todong nakkulle lata'lappasa'; tau gassinga latappelaki kagassinganna, siagang tau porea takkulleai napasalama' kalenna.

YESAYA 32:11

Sa'genna kamma-kamma anne nyamangko ri tallasa'nu, bellako ri kasusaanga. Mingka kamma-kamma anne, annekkere' mako napakamma malla'! La'gasi pakeannu nampa nupasikko' kaeng karunga mae ri aya'nu.

YESAYA 64:2

rapang pepe' amparinrayai kayua siagang ampa'rereai je'neka. Kipa'nyatami koasaTa mae ri musu-musunTa, sa'genna annekkere' bansa-bansaya ri dallekanTa.

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.