AMOS 1:6 - KITTA' MATANGKASA'

⁶ Nakana Batara, “Pandudu'na Gaza a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa nabalukang salaku ata mae ri tu Edom.

AMOS 1:6 Referans Kwoze

AMOS 1:11

Nakana Batara, “Pandudu'na Edom a'mole-molei doraka, lanri kammana anjo ma'nassa laKuhukkungi ke'nanga. Tena pangngamaseanna ke'nanga na nabunduki tu Israel, sari'battanna ngaseng ke'nanga. Tulusu' larrona ke'nanga, siagang tulusu' napari pa'mai'na kalarroanna.

2 PATTOTTORANG 28:18

Ia todong anjo wattua nabattu tu Filistin ambunduki kota-kota niaka ri bangkeng bulu' bageang ilauka siagang ri daera bageang timboro'na Yehuda. Naallemi ke'nanga kota-kota Bet-Semes, Ayalon, Gederot, Sokho, Timna, Gomzo, siagang desa-desana, nampa ammantang ke'nanga anjoreng.

OBAJA 1:11

Ammenteng bellako, ri allo battuna musua allappoi pakke'bu'na Yerusalem siagang nabeta anjo kotaya. Tena apa-apa nukana ri wattunna naengka' ngaseng ke'nanga kakalumanynyangnganna Yerusalem na nabage-bage ri ke'nanga. Sangkamma jako ja'dala'nu siagang anjo musua.

AMOS 1:9

Nakana Batara, “Pandudu'na Tirus a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa napassareang mae ri Edom; nadakkai ke'nanga parjanjiang passari'battanganna.

1 SAMUEL 6:17

Kammaminjo nale'ba'mo appikatu tu Filistin mae ri Batara, iamintu passare untu' antangkasi dosana ke'nanga pandudu' limaya kota, niparentaya ri lima karaeng Filistin. Anjo kota-kotaya iamintu: Asdod, Gaza, Askelon, Gat, siagang Ekron. Anjo kotaya nia' ammake tembo' pannahang musu, nia' todong tena. Massing-massingi anjo kotaya appikatu se're kambussulu' bulaeng siagang se're bulaeng balao. Buttina anjo kajarianga, iamintu batu lompo tampa'na ke'nanga ampadongkoki Patti ParjanjianNa Batara. Manna sa'genna kamma-kamma anne tuli nia' iji anjo batua ri kokonna Yosua, anjo tu Bet-Semes.

YO"EL 3:6

Pandudu'na Yehuda siagang Yerusalem nuerangi a'lampa bella battu ri pa'rasanganna; nampa nubalukang mae ri bansa Yunani.

YEHEZKIEL 35:5

Battu riolo iji nanumusu Israel siagang nulappassang ke'nanga nibuno ri wattunna nituju ri bala salaku hukkungang kala'busang mae ri dosana ke'nanga.

ZAKHARIA 9:5

Kota Askelon siagang Gaza lanaciniki anjo kajarianga sa'genna a'jari malla'. Lanacini' tongi Ekron na tappela'mo sikontu panrannuanna. Gaza latappelaki karaenna, siagang Askelon la'jari sinoi tena bonena.

AMOS 1:3

Nakana Batara, “Pandudu'na Damsyik a'mole-molemi doraka, lanri kammana anjo ma'nassa laKuhukkungi ke'nanga. Sanna' palla'na panggaukanna ke'nanga mae ri tu Gilead,

YEREMIA 47:1

Ri tenanapa nabunduki karaeng Mesir anjo kota Gaza, a'bicarai Batara ri nakke, ri sesena pa'rasangang Filistin.

LAMPA-LAMPANA 8:26

Nia'mo sitau malaeka' battu mae ri Filipus angkana, “A'lampako linta'! A'lampako timboro', ri agang battua ri Yerusalem mange ri Gaza.” Anjo aganga sinoi.

YO"EL 3:4

LanuapA' anne, he Tirus, Sidon siagang sikontu daera Filistin? Maka erokko a'balasa' mae ri Nakke? Jari, tarimami pa'balasakKu lintaka battu mae ri kau.

AMOS 1:7

Lanri kammana anjo lakkiringA' pepe' mae ri tembo'-tembo'na Gaza, siagang Kutunu sa'genna cappu' sikamma pattahanganna.