2 TIMOTIUS 2:16 - KITTA' MATANGKASA'

¹⁶ Pakabellai kalennu battu ri bicara-bicara tenaya matu-matunna siagang ampakatunayai Allata'ala. Anjo bicara-bicara kammaya pila' napa'jari ja'dala'ji taua.

2 TIMOTIUS 2:16 Referans Kwoze

TITUS 3:9

Pakabellai kalennu battu ri pa'gea'-geakkang tenaya matu-matunna siagang carita-carita pattottoranga. Liliangi pa'beseranga siagang passiba'jianga ri passala'na hukkung-hukkung agamaya. Yangasenna anjo tena matu-matunna siagang tena wassele'na.

1 TIMOTIUS 6:20

Timotius! Katutui bajiki anjo apa nipappirannuanga ri kau! Pakabellai kalennu battu ri pa'bicarang tenaya matu-matunna siagang passigea'-geakkang ri apa-apa nikanaya “Pangngissengang”, nampa teaiji pangngissengang.

TITUS 1:14

siagang tenamo natappa' ke'nanga mae ri carita-carita kosonna tu Yahudia yareka paratorang-paratorang napareka taua untu' ansorongbokoi pangngajarang tojenga.

2 TIMOTIUS 2:14

Yangasenna anne parallui nupappakaingakkang mae ri taua. Pakaingaki ri dallekanNa Allata'ala ke'nanga sollanna tena na'gea'-gea' ke'nanga passabakkang kana-kana. Anjo kammaya tena matu-matunna, passangalinna napa'lingu-linguji tau allangngerekai.

HOSEA 12:1

Nakana Batara, “NakulilingiA' bansa Israel siagang bicara balle-ballena na gau' annipuna; bansa Yehuda tulusu' angngewana ri Nakke, Allata'ala Matangkasaka siagang majarreka.

EZRA 10:10

Nampa ammentemmo Ezra a'bicara mae ri ke'nanga. Nakanamo, “Doraka ngaseng mako siagang nutambaimi kasalanna tu Israel lanri a'buntinnu siagang baine bansa maraenga.

PAPPICINI' 13:3

Kalase'renna anjo tujua ulunna anjo olo'-oloka sangkammai nicini' le'baki bokka' sanna' lompona, mingka piami anjo bokkaka. Amminawang ngasemmi siagang lannasa' sikontu linoa mae ri anjo olo'-oloka.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

2 PETRUS 2:2

Mingka manna nakamma, lajai tau ampinawangi katallassanna anjo guru takontutojenga, nikoasaia ri hawa napasuna ke'nanga. Siagang lanri panggaukanna anjo gurua najaimo tau naturungang anghinai Oloang Katojengang mangea ri Allata'ala.

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

TITUS 1:11

Anjo tau kammaya musti nijempangi bawana, nasaba' jaimi kaluarga napakalingu ke'nanga lanri pangngajarang tenana matu-matunna ke'nanga. Nanagaukang ke'nanga anjo kammaya iaji kalanri ero'na ke'nanga anggappa passawallang takamma-kamma!

2 TIMOTIUS 3:13

na ia tau ja'dalaka siagang tau paballe-ballea lapila' ja'dalaki. Natipui paranna tau, mingka sikontutojenna manna kalenna ke'nanga nitipu tonji.

1 TIMOTIUS 4:7

Pakabellai kalennu battu ri carita-carita kosong tenaya matu-matunna. Parallui nupa'biasa kalennu a'jari tau anynyombaya ri Allata'ala lalang ri katallassannu.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.

1 KORINTUS 5:6

Tena nabaji' anjo apa nupattampo-tampoanga! Nuassemmi kapang anne lampangkana angkanaya, “Pa'gambang sike'deka ampa'bakkaki labu' le'baka nileo'.”

PAPPICINI' 13:14

Na natipu ngasemmo sikontu rupataua ri lino lanri anjo gau'-gau' appakalannasa' akkullea nagaukang ri dallekanna anjo olo'-olo' bungasa' battua sumpaeng. Siagang nasuro ngasemmi ke'nanga appaenteng se're patung untu' anjo olo'-olo' le'baka bokka' nataba pa'dang, mingka attallasa' iji.

1 TIMOTIUS 1:9

Tantu musti niu'rangi angkanaya teai untu' tau bajika nanipare' anjo hukkung-hukkunga, passangalinna untu' sikamma tau andakkayai hukkunga, tau bannaka, tau dorakaya, tau tenaya agamana, tau assipa' pakkalinoanga, tau ambunoai tau toana, yangasenna tau pabunoa,

2 TIMOTIUS 2:21

Inai-nai antangkasi kalenna battu ri sikontu gau' tenaya nabaji' iami lanipake untu' gau'-gau' kaparalluang lompoa. Iami a'jari taunna siagang a'matu-matua mae ri karaenna. Iami nipasadia untu' lanipake ri jama-jamang bajika.