2 TIMOTIUS 1:8 - KITTA' MATANGKASA'

⁸ Lanri kammana, teako siri'-siriki a'jari sa'bi mae ri Batarata, siagang tea tongko kasirikangia', ia nitarungkua lanri Batarata. Mingka, lanri kagassingang nugappaya battu ri Allata'ala, siratangko angkasia' tongi kasessanga untu' anjo Kabara' Bajika.

2 TIMOTIUS 1:8 Referans Kwoze

ROMA 1:16

Inakke tappa' sikalia' mae ri anjo Kabara' Bajika, lanri iaminjo kabara' kakoasanNa Allata'ala eroka ampasalamaki sikontu tau tappaka; uru-uruna iamintu bansa Yahudia, nampa bansa maraenga pole.

MARKUS 8:38

Punna nia' tau siri'-siri' angngakuiA' siagang pangngajarangKu ri anne jammang sannaka dorakana siagang ja'dala'na, tena todong Naero' Ana' Ma'rupataua angngakui sallang punna battui siagang koasaNa ManggeNa, nirurungang ri malaeka'-malaeka' matangkasa'Na.”

2 TIMOTIUS 4:5

Mingka manna naantekamma, ikau musti nupakalewai kalennu. Sa'barakko lalang ri kapa'risannu, siagang gaukangi jama-jamannu ambirittakangi anjo Kabara' Bajika, kammayatompa gaukang baji' tommi jama-jamannu a'jari palayanNa Allata'ala.

PAPPICINI' 12:11

Le'ba'mi nibeta ri sari'battanta tete ri cera'Na anjo Ana' Gimbalaka, siagang tete ri katojenganna anjo biritta battua ri Allata'ala, ia le'baka napa'la'bang ke'nanga. Rellai ke'nanga angkoro'bangkangi kalenna sa'genna mate.

2 TIMOTIUS 2:9

Lanri kubirittakannamo Kabara' Bajika, nakukasia'mo kasessanga; ba'lalo nirantema' sangkamma tau sannaka ja'dala'na. Mingka anjo kana-kananNa Allata'ala takkulleai nirante.

2 TIMOTIUS 1:12

Lanri kammanami anjo nakukasia'mo anne kasessang kammaya jaina; mingka tuli jarreki tappakku, nasaba' bajiki kuassenna angkana inai kupatappa'. Tappa' sikalia' angkanaya akkullei Nakatutui anjo apa le'baka Napappirannuang mae ri nakke sa'genna narapi' Allo Kiamaka.

EFESUS 3:1

Iaminjo saba'na, na inakke anne, Paulus, nitarungkuma' lanri Isa Almasi untu' ikau ngaseng bansa-bansa maraenga.

FILIPI 3:10

Se're-se'reji bawang kukaerokia, iamintu: sollanna akkulle kuasseng Almasi, siagang akkulle kukasia' todong kakoasang le'baka ampabangungi ammotere' battu ri kamateanga. Ero' tonga' amminawang angkasiaki pa'risika siagang Ia, siagang amminawang todong sangkamma Ia ilalang ri kamateanNa.

LUKAS 9:26

Inai-nai siri'-siri' angngakuiA' siagang antarimai pangngajarangKu, lasiri'-siri' tongi Ana' Ma'rupataua angngakui sallang punna battu siagang koasaNa, kammayatompa koasaNa ManggeNa siagang koasana malaeka'-malaeka' matangkasaka!

2 TIMOTIUS 1:16

Mingka a'mole-molema' nipakarannu ri Onesiforus siagang sikamma tubone balla'na. Poro nisare laloi pangngamaseang ke'nanga ri Batara. Manna kulalang ri tarungkua, mingka tena nakasirikanga' Onesiforus.

EFESUS 4:1

Iaminjo saba'na nainakke anne tu nitarungkua lanri kulayanina Batara, kupala' dudui ri kau ngaseng: bajikimi empoang tallasa'nu situru' empoannu salaku tu le'bakamo nikio' ri Allata'ala.

PAPPICINI' 1:9

Inakke Yohanes, sari'battannu ngaseng, nuaganga' a'julu sessa sangkamma nakasiaka sikontu tau amminawanga ri Almasi. Sa'barakki' angkasiaki kasessanga, lanri ikatte anne umma'Naki'. Nipelakka' mange ri Pulo Patmos passabakkang kupa'la'bangi pappasang battua ri Allata'ala, Napakajarreka Isa lalang ri kasa'bianNa.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.

2 TIMOTIUS 2:3

Musti amminawang tongko angkasiaki kasessanga salaku surudadu majarre'Na Isa Almasi.

1 TESALONIKA 3:4

Ri wattunna assiagangija ikambe siagang ikau ngaseng, le'ba' memammi kipau la'bi riolo mae ri kau ngaseng angkanaya lanikasiaki sessaya. Na ma'nassa kajariang tojemmi anjo kipakkanaya; kalennu ngasemmi angngassengi anjo kammaya.

FILIPI 1:7

Tuli nia'nu ngaseng lalang ri atingku. Memang siratangi punna kammai anjo nyawaku mae ri kau ngaseng. Nasaba' le'ba' ngaseng tommako annarima siagang inakke iamintu passare malammoro' Napassareanga Allata'ala mae ri nakke; baji' na ri kamma-kammaya anne, iamintu ri wattungku nia' lalang ri tarungkua, kammayatompa pole ri wattungku nia' pantara' untu' angngalleangangi siagang ampamentengangi anjo Kabara' Bajika.

EFESUS 3:13

Lanri kammana, iami anne pappalakku ri kau: teako ranggaselai ri passala' kapa'risang kukasiaka passabakkang ikau ngaseng; nasaba' yangasenna anjo untu' kabajikannu ngaseng.

ROMA 16:25

Nipujimi Allata'ala! Makoasai anjarreki tappa'nu, situru' Kabara' Baji' battua ri Allata'ala, iamintu ri passala'na Isa Almasi, le'baka kubirittakang. Kubirittakangi anjo passalaka situru' apa Napa'nyataya Allata'ala; iamintu ri sesena rancanaNa Allata'ala, a'bilangngang taungamo tanaassenga taua.

1 YOHANES 4:14

Kalenna ikambe le'ba' anciniki Ana'Na Allata'ala, siagang napabattumi ikambe mae ri tau maraenga angkanaya Iami anjo Ana'Na Nasuro Allata'ala antama' ri linoa untu' a'jari Karaeng Mappasalama' ri anne linoa.

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.

ROMA 9:33

Ri sesena anjo batua, nia' tattulisi' lalang ri Kittaka angkana, “U'rangi baji'-bajiki anne: Ri Sion nia' batu le'ba' Kuboli', la'jari sabaka natatto'ro taua; iamintu se're batu lompo, la'jari sabaka natu'guru' taua. Mingka inai-nai tappa' ri Ia tena nalala'ba' pa'mai'na.”

LAMPA-LAMPANA 5:41

A'lampami anjo sikamma tunisuroNa Allata'ala ambokoi anjo sidang Pangadelang Agamaya. Sanna' ngaseng rannuna ke'nanga, lanri nipassiratammi ri Allata'ala ke'nanga angkasiaki paccallaya, lanri arenNa Isa.

PAPPICINI' 19:10

Nampa su'ju'ma' ri dallekanna anjo malaekaka, ero' anynyomba ri ia; mingka nakanamo ri nakke, “Teako! Teako anynyombai ri nakke, mingka Allata'ala nusomba! Nasaba' inakke ata tonja' sangkamma ikau siagang sikontu sari'battannu anna'gala' jarreka mae ri biritta tojenga, Napabattua Isa!” Nasaba' iaminjo kasa'bianga mae ri Isa assarei taua pangngissengang untu' ampabattui biritta battua ri Allata'ala.

PAPPICINI' 1:2

Nampa nacarita ngasemmo Yohanes sikontu anjo apa-apa nacinika; na iaminne laporanna ri sesena pappasanNa Allata'ala, nipakajarreka ri Isa Almasi tete ri kasa'bianNa.

1 KORINTUS 1:6

Iami anjo a'jari butti angkanaya baji'mi antama'na ri atinnu anjo biritta ri passala'na Isa Almasi;

YOHANES 19:35

Tau kalennaya anciniki anjo apa kajarianga, iami angkabarrangi anjo passalaka, sollannu tappa' ngaseng todong. Na kontutojeng anjo apa nakasa'bianga, siagang naassengi angkanaya kontutojengi anjo passalaka.

PAMMUJI 119:46

Lakukabarrangi paratoranTa mae ri sikamma karaenga, na tena kulanipakasiri'.

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

EFESUS 4:17

Lanri kammana, nasaba' arenNa Batara, iaminne lakupaua siagang lakupattantua: tea' mako attallasa' sangkammai pole tau tenayapa natappa' ri Allata'ala, siagang tau tenaya nannaba-naba pikkiranna.

2 KORINTUS 6:7

lalang koasaNa Allata'ala nanibirittakang kabara' battua ri Allata'ala; na lanri kammanami anjo nanapappicinikammo ikambe angkanaya ikambe anne ma'nassa atanNaki' Allata'ala. Anna'gala' jarre' maki' mae ri ero'Na Allata'ala. Iaminjo a'jari kagassinganna ikambe untu' langngewa yareka lanjagai kalenta punna battu mae musu lammanrakia.

ROMA 8:36

Nia' tattulisi' lalang ri Kittaka kana kammaya anne: “Sikabusu'na alloa niaki lalang ri bahaya kamateanga ikambe passabakkang Ikau. Nipare' sangkamma maki' gimbala' eroka nisamballe.”

YOHANES 15:27

Na ikau ngaseng, musti a'jari sa'bi tongko mae ri KalengKu, lanri ikau ngasemmi angngagangA' sipa'rurungang battu ri pakkaramulanna.

YESAYA 51:7

PilangngeriA', he bansaKu, nuassengi apa annabaya; ajarangKu nuboliki lalang ri atinnu. Teako mallakki punna nicau-cauko ri rupataua, teako lussakki punna nahinako ke'nanga.

PAMMUJI 19:7

Najappai langika battu ri cappa' se'rea mange ri cappa' maraenga; tena tanitaba ri bambanna.

1 TIMOTIUS 2:6

Le'ba'mi Napassareang KalenNa lalang a'rupa tauNa sollanna akkulle Nalappassang sikontu rupataua battu ri dosa-dosana. Kammami anjo nanapa'nyatamo ri wattunnaya, angkanaya Nakellai Allata'ala sollanna nipasalama' ngaseng sikontu rupataua.

KOLOSE 1:11

Poro nipakajarrekko lanri kakoasang malompoNa Allata'ala, sa'gennu akkulle attahang angkasiaki sikamma kapa'risanga siagang sa'bara', yareka sannang pa'mai',

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

2 TIMOTIUS 1:10

Na kamma-kamma anne, Napa'nyatami pangngamaseang malammoro'Na Allata'ala mae ri katte lalang ri kabattuanNa Karaeng Mappasalamatta, Iamintu Isa Almasi. Nabetami Isa kakoasanna kamateanga siagang angngerammi katallassang mannannungang lalang ri anjo Kabara' Bajika.

2 TIMOTIUS 2:8

U'rangi anne: Anjo Kabara' Baji' kubirittakanga iamintu kabara' ri passala'na Isa Almasi, sossoranna Daud; Iami Almasi, le'baka attallasa' ammotere' battu ri kamateanga.