2 SAMUEL 7:9 - KITTA' MATANGKASA'

⁹ Le'ba' mako Kururungang manna pole kemae lampanu, siagang sikontu musunnu le'ba'mi Kutumpasa' ri wattunnu a'bundu'. LaKupa'jariko masahoro' sangkamma pamimping-pamimping kaminang lompoa ri lino.

2 SAMUEL 7:9 Referans Kwoze

2 SAMUEL 5:10

Pila' sallo pila' kassa'mi Daud, lanri nitulungi ri Batara, Allata'ala Kaminang Koasaya.

1 PATTOTTORANG 17:8

Le'ba' mako Kutulung manna kemae lampanu, siagang sikontu musunnu Kutumpasa' ngasemmi ri wattunnu a'bundu'. LaKupa'jari masahoroki arennu sangkamma pamimping-pamimping kaminang lompoa ri lino.

2 SAMUEL 8:6

Nampa ambangung Daud pakkemaang-pakkemaang tantara lalang ri daerana ke'nanga, siagang tundu'mi ke'nanga kammayatompa a'bayara' passare mae ri ia. Nisarei Daud ri Batara pammetang manna pole kemae napa'bunduki.

1 SAMUEL 18:14

Nakullemi nagaukang anjo sikontu tugasa'na, lanri nitulungi ri Batara.

2 SAMUEL 8:14

Ambangummi pakkemaang-pakkemaang tantara ri sikontu Edom, na anjo sikontu tu Edom tundu'mi mae ri ia. Nisarei Daud pammetang ri Batara manna pole kemae napa'bunduki.

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

LUKAS 1:52

Napanaung ri empoanna sikontu tu nikaraengang napanai' ri tinggia, sikontua tu nihina.

PAMMUJI 89:23

Talanibetayai ri musu, siagang talanijallakkangai ri tu ja'dala'.

2 SAMUEL 22:30

Kipakajarreka' untu' antumpasaki musua Nabantua' Allata'alaku anrumbangi pattahanganna ke'nanga.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.

2 SAMUEL 22:1

Le'ba'namo nipasalama' Daud ri Batara battu ri Saul siagang sikontu musunna maraenga, nakelongammi Daud anne lagu kammaya mae ri Batara:

1 SAMUEL 31:6

Kammaminjo Saul siagang tallu ana' bura'nena, siagang sikontu ana' buana kammayatompa anjo turungkaya mate ngasemmi ri wattu anjo allo se'rea.

1 SAMUEL 5:10

Jari niantara'mi anjo Patti Parjanjianga mange ri Ekron, kotana Filistin maraenganga. Battuna anjo pattia anjoreng, ammarrammi panduduka anjoreng angkana, “Nierangi anjo Patti ParjanjianNa Allata'alana Israel untu' ambuno ngasengki'.”

2 SAMUEL 8:13

A'jari pila' katambammi masahoro'na arenna Daud ri wattunna ammotere' siagang le'ba'na nabuno tu Edom 18.000 jaina ri Ka'bung Asin.

2 SAMUEL 23:1

Nipilei Daud ana'na Isai a'jari karaeng siagang nipa'jari tumalompoi ri Allata'alana Yakub. Iami appare' kelong-kelong untu' tu Israel. Na iaminne kana-kananna Daud kala'busanga:

YOSUA 6:27

Nirurungangi Yosua ri Batara, siagang a'jari masahoroki arenna Yosua ri sikontu anjo pa'rasanganga.

1 SAMUEL 18:30

Punna battui tantara Filistin ambunduki Israel, tuli la'bi a'wasseleki Daud, antumpassangi ke'nanga, na ia perwira maraenganga. Jari pila' masahoro'mi Daud.

2 SAMUEL 22:43

Kuremoi ke'nanga rapang limbu'bu' tassimbunga siagang kubarrasa' rapang peo' ri aganga.

PAMMUJI 21:6

Lanri pannulunTa nasanna'mo nipakala'biri'na, Kipa'jari masahoro' siagang accaya.