2 SAMUEL 7:20 - KITTA' MATANGKASA'

²⁰ Apapi pole akkulle kupau mae ri Katte? Kiassengi sikontu-kontuna ri passala'na anne atanTa.

2 SAMUEL 7:20 Referans Kwoze

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”

PAMMUJI 139:1

Untu' pamimping pakelong. Pammuji battu ri Daud. O, Batara, iKatte antarrusia' siagang angngassenga'.

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

YOHANES 2:25

Tena naparallu nipauang ri passala'na massing rupataua, lanri Naassenna ngaseng apa niaka lalang ri atinna rupataua.

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

YOSUA 5:14

Appialimi anjo taua angkana, “Teai agang, siagang teai todong bali. Inakke battua' mae anrinni salaku panglimana tantaraNa Batara.” Nalangngere'na Yosua pappialinna anjo taua, su'ju'mi anynyomba ri anjo taua. Angkanami Yosua, “Inakke anne atanta' karaeng. Apa akkulle kugaukang untu' ikatte?”

1 PATTOTTORANG 17:18

Apapi pole akkulle kukana mae ri Katte, o Karaeng Allata'ala? Kiassengi sikontu katallassanna anne atanTa, mingka Kisarea' kala'birang.