2 SAMUEL 7:15 - KITTA' MATANGKASA'

¹⁵ Mingka tuli laKugaukangi apa bajika mae ri ia situru' janjingKu. Tuli laKuta'gala' jarreki janjingKu mae ri ia, tena nasangkamma apa le'baka Kugaukang mae ri Saul Kupalessoka battu ri empoanna sollannu akkulle a'jari karaeng.

2 SAMUEL 7:15 Referans Kwoze

1 SAMUEL 15:23

Nasaba' tamappilangngeria mae ri Batara sangkammai ja'dala'na anggaukanga bale'-bale' mata, siagang nyawa tampoa sangkammai ja'dala'na anynyomabaya ri rewata. Nasaba' kiewami parentaNa Batara, natena tommo Naakuiki' Batara salaku karaeng.”

PAMMUJI 89:28

Ia laKupa'jari ana' bura'ne toaKu, kaminang malompoa ri sikontu karaenga.

1 SAMUEL 15:28

Nakanamo Samuel ri ia, “Anne alloa Nakekke'mi Batara kakaraenganna Israel battu ri katte, nampa Napassareang mae ri tau maraenga, ia bajikangnganga naikatte.

YESAYA 9:7

Napabattumi Batara hukkunganga mae ri kakaraenganna Israel.

1 KARAENG-KARAENG 11:13

Mingka tena nasikontu anjo kakaraenganga laKurampasa' battu ri ia. Lanri atangKu Daud, siagang lanri Yerusalem anjo kotaKu le'baka Kubangung, nia' se're suku laKupatassesa untu' ana' bura'nenu.”

2 SAMUEL 7:14

INakke la'jari Manggena, siagang ia la'jari ana' bura'neKu. Punna nia' apa sala nagaukang, laKuhukkungi sangkamma se'rea mangge anghukkungi ana'na.

1 SAMUEL 16:14

Anjo lapung Saul nibokoimi ri RohNa Batara, siagang nisessami ri roh ja'dala' Nasuroa Batara.

YESAYA 37:35

LaKuallei siagang laKula'langi kota Yerusalem lanri kalompoang KalengKu, siagang lanri parjanjiangKu siagang atangKu Daud.’ ”

PAMMUJI 89:34

Mingka tuli laKukamaseanna Daud, talaKukaluppaiyai nyawa tamamminraKu.

2 SAMUEL 7:16

Tuli lania'na jari-jarinu, siagang laKupa'jari kakaraengannu attahang sa'genna satunggu-tungguna. Nia' sitau jari-jarinu lammarenta salaku karaeng sa'genna satunggu-tungguna.’ ”

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

1 SAMUEL 19:24

Battui mange anjoreng, napasulu'mi pakeanna nampa a'joge'-joge' siagang akkiok-kio' ri dallekanna Samuel, nampa anra'ba naung ri buttaya assolara' sila'busu' allo siagang bangngi. (Iaminne assala'na paruntu' kana angkanaya, “Apaka a'jari na'bi tongi Saul?”)

PAMMUJI 89:33

laKuhukkungi ke'nanga paccambo' lanri tamannurukinna, laKupitujui bala ke'nanga lanri dosa-dosana.

PAMMUJI 89:49

Inaika lakkulle tallasa' tuli siagang talamatea? Inaika akkulle alliliangi kuburuka?

1 SAMUEL 15:26

Mingka appialimi Samuel angkana, “Tena kuero' ammotere' siagang ikatte. Kiewami parentaNa Batara, na kamma-kamma anne tenamo Naakuiki' salaku karaenna Israel.”

PAMMUJI 89:31

Mingka punna nadakkai turunganna hukkungKu, natena nattallasa' situru' parentaKu,