2 SAMUEL 5:19 - KITTA' MATANGKASA'

¹⁹ Akkuta'nammi Daud ri Batara angkana, “Apa musti kubunduki anjo tu Filistin? Maka laKisarea' pammetang?” Appialimi Batara angkana, “Bundukimi. INakke lassareko pammetang.”

2 SAMUEL 5:19 Referans Kwoze

2 SAMUEL 2:1

Le'baki anjo akkuta'nammi Daud ri Batara angkana, “Apa Kikaerokangi nakua'lampa mange angkoasai kalase'renna kotaya ri Yehuda Batara?” Appialimi Batara, angkana, “Iyo”. Akkuta'nammi Daud angkana, “Kota kereanga?” Appialimi Batara, angkana, “Hebron”.

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

1 SAMUEL 23:2

Jari akkuta'nammi ri Batara angkana, “Mustika a'lampa' mange ambunduki tu Filistin?” Appialimi Batara angkana, “Iyo, bundukimi ke'nanga siagang pasalamaki pandudu'na kota Kehila.”

YAKOBUS 4:15

Mustina lakammai anne batenu angkana, “Punna Naerokang Batara, lattallasa'ma' siagang lakugaukammi anne yareka anjo.”

1 KARAENG-KARAENG 22:6

Jari napa'rappungammi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Batara anjo kotaya mae ri katte.”

2 SAMUEL 5:23

Sikalipi pole Daud appala' pangngunju' ri Batara. Appialimi Batara angkana, “Teako bunduki ke'nanga battu anrinni, mingka a'jappako a'dete' siagang bundukimi ke'nanga battu ri boko, battu ri poko'-poko' kayu murbei.

1 SAMUEL 28:6

Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.

1 SAMUEL 23:4

Lanri kammana anjo sikalipi pole Daud appala' pitunju' battu ri Batara. Nampa appialimi pole angkana, “Teako mallakki. Bundukimi kota Kehila, nasaba' anjo tantara Filistin laKupassareangi mae ri kau.”

1 SAMUEL 22:15

Memang, le'baki atanta ampappalakkangi pitunju' battu ri Allata'ala, mingka tena nanampanna anjo nagaukang atanta. Nikanaya passamaturukang ambaliangki', teaki' tudui atanta yareka kalase'renna tau lalanga ri kaluargana atanta. Tena apa-apa pangngassenna atanta ri anjo passalaka!”