2 SAMUEL 5:1 - KITTA' MATANGKASA'

¹ Le'baki anjo battu ngasemmi sikontu pamimping-pamimpinna suku-suku Israel mange ri Daud ri Hebron siagang angkana ke'nanga ri ia, “Ikambe anne bija ma'reppesettaki' karaeng.

2 SAMUEL 5:1 Referans Kwoze

EFESUS 5:30

niassengi anjo nasaba' ikatte anggota-anggota tubuNaki' Almasi.)

2 SAMUEL 19:13

Nasuro tommi Daud ke'nanga ampaui mae ri Amasa kammaya anne, “Sai ikau sibijaki'? Appakkaramula kamma-kamma anne kuangkakko a'jari panglima tantaraku ansambeangi Yoab. Poro Nabuno laloa' Allata'ala punna tena nakurupai anjo kanangku!”

PA'JARIANG 29:14

nakanamo Laban, “Kammatojengi, ikau bija ma'reppesekko ri nakke.” Ammantammi Yakub ri anjo ballaka sibulang sallona.

IBRANI 2:14

Nasaba' anjo sikamma tau Nakanaya ana', iamintu tau akkullea mate, napa'jarimi KalenNa Isa sangkamma kalenna ke'nanga, siagang attallasa'mi sangkamma rupataua. Kammami anjo Nagaukanga, sollanna lanri kamateanNa nakkullemo Nabeta sa'genna posso' Billisika, iamintu makoasaya ri kamateanga.

HAKING-HAKING 9:2

“Pakkuta'nangang sai mae ri sikontu tau ammantanga ri Sikhem, kereanga la'bi baji': Niparentaya ri tujupuloa ana'na Gideon, yareka ri se'rea bawang tau? Piu'rangiang tongi ke'nanga angkana nia' ija passisambungang cerakku siagang ke'nanga.”

PAOLE 17:15

Parhatikangi baji'-baji', sollanna anjo tau nuangkaka a'jari karaeng iamintu tau Napilea Karaeng Allata'alanu. Anjo taua musti tau battu ri bansanu; teako angngangkakki bansa maraeng a'jari karaennu.

YOSUA 10:36

Battu ri Eglon, angngambiki Yosua siagang tantarana ri pa'monconganga nampa a'lampa mange ri kota Hebron, nampa nabunduki

2 SAMUEL 19:12

Sai ikau ngaseng bija pammanakangku siagang kaluargaku? Angngapa naikau kaminang ri boko dudu ampalaki sollangku ammotere'.”

2 SAMUEL 19:43

Appialimi tu Israel angkana, “Ha'na ikambe mae ri karaenga a'lappi sampuloi lompona naha'nu ngaseng, manna pole nanusibija anjo karaenga. Angngapa nanucini' rawa kamma anne ikambe? Teako kaluppai angkanaya ikambemi uru-uru angngussuluki sollanna ia a'jari karaeng ammotere'!” Mingka la'bi terassangngangi nyawana tu Yehuda na tu Israel siagang taerokai nibeta ke'nanga.

2 SAMUEL 2:32

Le'baki anjo naangka'mi Yoab siagang ana' buana anjo maya'na Asael nampa natarawang lalang ri jera' kaluargana ri Betlehem. Nampa a'jappa ke'nanga sipattang bujuru' sa'genna battu mange ri Hebron ri wattu subu-subua.

2 SAMUEL 19:14

Kammaminjo nakkullemo Daud angngallei pa'mai'na sikontu tu Yehuda sa'genna akkirimmo ke'nanga pasang mae ri karaenga sollanna ammotere' mange ri balla' kakaraenganga siagang ngaseng sikontu pagawena.