2 SAMUEL 24:7 - KITTA' MATANGKASA'

⁷ Battu anjorengi ke'nanga nampa a'lampa timboro' mange ri Tirus iamintu kota niaka pattahanganna. Situlusu'na a'lampami pole ke'nanga mange ri sikontu kotana tu Hewi siagang tu Kanaan, nampa kala'busanna mange ri Bersyeba, bageang timboranna Yehuda.

2 SAMUEL 24:7 Referans Kwoze

YOSUA 19:29

Battu anjoreng, a'lekkoi anjo garisi' pa'baeng-baenga mange ri Rama tulusu' sa'genna mange ri kota Tirus, iamintu se're kota nikallika siagang tembo'; nampa a'lekko pole anjo garisi' pa'baeng-baenga mange ri Hosa nampa kala'busang ri Tamparang Tangngaya. Antamaya ri anjo pa'baeng-baenga iamintu Mahalab, Akhzib,

YOSUA 11:3

Nia' tommo tau nasuro mange ri tu Kanaan niaka ri bageang ilau' siagang ri bageang rayanganna Yordan, mange ri tu Amori, Het, Feris, siagang tu Yebus ri daera pa'monconganga, kammayatompa tu Hewi ri bangkenna Moncong Hermon ri daera Mizpa.

2 SAMUEL 24:2

Nampa nakanamo Daud mae ri Yoab panglimana tantarana, “A'lampako siagang sikamma komandanna tantaranu mange ri sikontu suku Israel ri sikontu pa'rasanganga untu' ansuro bilangi panduduka. Erokka' angngassengi jaina ke'nanga.”

HAKING-HAKING 3:3

Ia bansa-bansa niaka ija ammantang ilalang ri limaya kotana Filistin, sikontu bansa Kanaan, bansa Sidon siagang bansa Hewi ammantanga ri moncong-monconna Libanon appakkaramula battu ri Moncong Baal-Hermon sa'genna mange ri agang a'lampa mangea ri Hamat.

2 SAMUEL 24:8

Nala'bammi ke'nanga sikontu pa'rasanganga lalang wattu salapang bulang ruampulo allo. Le'baki anjo ammotere'mi ke'nanga mange ri Yerusalem

ZAKHARIA 9:3

Le'ba'mi Tirus ambangung benteng-benteng untu' kalenna siagang appatambung tamaka jaina bulaeng siagang pera' sa'genna a'jari sangkammami barang biasa sangkamma kassi' siagang butta peoka ri aganga.

YOSUA 9:1

Tassiaraki anjo kabara'-kabara' pammetanna tu Israel sa'genna mae ri sikontu karaeng niaka ilaukanna Binanga Yordan, iamintu niaka ri daera pa'monconganga, ri bangkenna monconga, ri lappara' a'la'bua ri birinna Tamparang Tangngaya sa'genna mange ri Moncong Libanon bellana ri bageang wara'; kammayatompa karaeng-karaeng tu Het, tu Amori, tu Kanaan, tu Feris, tu Hewi siagang karaenna tu Yebus.

YOSUA 9:7

Mingka nakana ngasemmo tu Israel, “Untu' apa namusti appare' parjanjiang ikambe siagang ikau ngaseng? Gassingka ambaniji anrinni pammantangannu!”

YOSUA 19:28

Ebron, Rehob, Hamon, siagang Kana, sa'genna mange ri Sidon bellana.