2 SAMUEL 23:5 - KITTA' MATANGKASA'

⁵ Kamma tomminjo jari-jariku batena Nabarakkaki Allata'ala, parjanjianNa ri nakke tena pamminraNa, mannannungang siagang sangkaki janjinNa, yangasenna bajiki atoro'na. Natanggongi Allata'ala pammetangku na Naturuki sikontu apa Nakaerokia pa'maikku.

2 SAMUEL 23:5 Referans Kwoze

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

YEREMIA 32:40

LapparekKa' parjanjiang mannannungang siagang ke'nanga. Tena Kulammari a'gau' baji' mae ri ke'nanga. LaKupa'jari mallaki ke'nanga siagang mappakalompoi ri Nakke lalang sikontu nyawana sollanna tena nabella ke'nanga ri Nakke.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

IBRANI 6:19

Anjo panrannuanta a'jari panna'galang majarre' siagang amang mae ri katallassanta, nasaba', lanri sanna' lantanna nipatto' naung. Pappokokanna niaki lalang Kamara' Kaminang Matangkasaka lalang ri Balla'Na Batara ri suruga.

LAMPA-LAMPANA 13:34

Nipattallasa' poleammi ammotere' ri Allata'ala battu ri kamateanga. Kamma-kamma anne tenamo nalaNakasia' pole nikanaya kamateang lalang ri jeraka. Ri anjo passalaka Nakanamo Allata'ala, ‘LaKusareKo janji matangkasa', attantua laKurupaina, le'ba' Kupa'janjianga mae ri Daud.’

AMOS 9:11

Nakana Batara, “Lanarapiki wattunna naKupoterang kakaraenganna Daud. Kamma-kamma anne anjo kakaraenganga kontumi balla' rumbanga. Mingka laKupakabajiki ammotere' tembo'-tembo'na siagang laKubangungi ammotere' sa'genna a'jari sangkamma riolo.

YEHEZKIEL 37:26

LapparekKa' parjanjiang siagang ke'nanga untu' ampattantui kaamangnganna ke'nanga sa'genna satunggu-tungguna. LaKubarakkaki ke'nanga siagang laKutambai jaina ke'nanga. LaKubangungi ri pa'rasanganna ke'nanga BallakKu, lammentenga anjoreng satunggu-tungguna.

YESAYA 61:8

Nakana Batara, “INakke Kungai kaadelanga na Kukabirisi panjallakkanga siagang kaja'dallanga. LamajarreKa' assareko pahalanu, siagang appare' parjanjiang mannannungang siagang ikau.

YESAYA 27:6

Ri wattu labattua sallang, bansa Israel lasanrapangi poko' kayu angngaka' siagang a'bakka', siagang napirassi tompo'na buttaya siagang rappo-rapponna.

YESAYA 11:1

Turunganna Karaeng Daud rapangi poko' kayu le'baka nita'bang. Mingka sanrapang attimbona pole cu'la' berua battu ri tonasa'na, kamma tomminjo lania' sitau karaeng lammumba battu ri turunganna Daud.

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

YESAYA 4:2

Nia' sallang wattunna naNapa'jari Batara sikamma lamung-lamunga siagang poko'-pokoka a'jari lompo siagang ga'ga ri anne pa'rasanganga. Anjo wattua tu Israel salamaka larannui pa'mai'na siagang lalompoi pa'mai'na lanri baji'na wassele' kattoanna.

PAMMUJI 119:81

Sanna' nakku'na pa'maikku mae ri kasalamakkang battua ri Katte; manrannuanga' ri janjinTa.

PAMMUJI 89:3

Saba' kuassengi angkana satunggu-tungguna pangngamaseanTa, majarreki tamamminraTa sanrapang langi'.

PAMMUJI 62:2

Kupakasannangi nyawaku antayangi Allata'ala, battu ri Iaji bawang kasalamakkanga.

PAMMUJI 27:4

Se'reji bawang kupala' ri Batara, iajinne bawang kukaerokia: ammantanga lalang ri Balla'Na Batara lalang sikontu umurukku, untu' angkasiaki kabajikanNa Batara siagang appala' panrurunNa.

1 KARAENG-KARAENG 12:14

Na situru' pappakainga'na anjo tau rungka-rungkaya, nakanamo, “Nasareko manggeku tanggongang battala', mingka lakupa'jari battallangngangi pole anjo tanggongannu. Nacambokko siagang paccambo', mingka inakke lakucambokko siagang paccambo' akkatintinga bassi!”

1 KARAENG-KARAENG 11:38

Punna ikau, sangkamma atangKu Daud, mannuruki tojeng-tojengko ri hukkung-hukkungKu, siagang nupakasannang atingKu, iamintu nugaukangi sikontu apa Kuparentakanga ri kau, tuli laKururungangko. LaKupa'jariko karaeng Israel. LaKutanggongi angkanaya turungannu la'jari karaeng ansambeangko, kamma le'baka Kugaukang mae ri Daud.

1 KARAENG-KARAENG 1:5

Nasaba' matemi Absalom, jari Adonia, ana' bura'nena Daud makaruaya a'jari kaminang toa. Amma'na niarengi Hagit. Adonia iamintu ana' gammara'. Tale'bakai manggena angkalarroi punna ampanggaukang sala. Adonia ero' dudui a'jari karaeng. Jari napasadiakammi untu' kalenna siapa are jaina kareta pa'bundukang siagang tantara a'jarang kammayatompa limampulo tau untu' pangawala' ri kalenna.

2 SAMUEL 18:14

Nakanamo Yoab, “Sudamo. Poro tappela'-pela'ji wattua angngagangku a'gea'.” Nampa angngalle Yoab tallu poke na'lampa ampacokai antama ri barambanna Absalom attallasaka ija anjo wattua siagang ta'gentunga ri poko' kayua.

2 SAMUEL 13:28

Naparentakammi mae ri sikamma ata-atanna angkana, “Parhatikangi baji'-baji', punna nasa'rimmo Amnon angnginung anggoro', lakusareko pammatei nampa nubuno. Teako mallakki. Inakke antanggongi anne passalaka. Pa'baraniangi kalennu anggaukangi siagang teako bata-batai.”

2 SAMUEL 13:14

Mingka taerokai Amnon mannuruki, siagang lanri la'bi gassingi, napassami andi'na naagang sikatinroang.

2 SAMUEL 12:10

Lanri tena numappilangngeri ri Nakke siagang lanri nuallena bainenna Uria, jari lalang tunggala' jari-jarinu tuli lania' lamate nibuno.

2 SAMUEL 7:18

Nampa antama' Karaeng Daud ri KemaNa Batara. Ammempoi nampa appala' doang angkana, “O, Batara Kaminang Tinggia, inakke siagang kaluargaku tena kusiratang antarimai sikontu kabajikang Kipappicinikanga mae ri nakke anne siapaya sallona.

1 SAMUEL 25:28

Kipammopporangi kacapakkanna atanta. Mattantu Batara laNaangkakki' siagang turunganta a'jari karaeng mae ri Israel, nasaba' a'bundukki' untu' Batara; siagang tena nalakigaukang kaja'dallanga lalang sikontu tallasatta.

1 SAMUEL 2:35

Nampa laKupilei imang tamamminraya mae ri Nakke, siagang eroka anggaukangi apa Kuparentakanga mae ri ia. LaKusarei turungang tuli latugasaka salaku imang ri dallekanna sikamma karaeng laKupilea.

PA'JARIANG 9:16

Punna kacinikang tarawea ri rammanga, laKuciniki siagang laKuu'rangi parjanjiangKu satunggu-tunggua mae ri sikontu apa-apa attallasaka ri lino.

2 SAMUEL 7:12

Sallang, punna narapi' a'jala'nu, na nunitarawang ri jera'na boe-boenu, nia' sitau battu ri ana' bura'nenu laKuangka' a'jari karaeng. Iami lambangungA' balla'. LaKupakajarreki kakaraenganna siagang nia' sitau jari-jarina lammarenta satunggu-tungguna salaku karaeng.

YESAYA 54:10

Manna pole ta'lengga sikamma monconga siagang sikamma buluka, talammariA' angkamaseangko. Tuli Kuta'gala' jarreki parjanjiang passiamakkangKu,” kananNa Batara mangngamaseanga ri kau.

YEREMIA 33:21

Kammatommi anjo le'ba' tommA' anynyikko' parjanjiang siagang atangKu Daud, angkanaya battu ri jari-jarina tuli lania' tassitau a'jari karaeng; siagang le'ba'Ma' anynyikko' parjanjiang siagang imang-imang jari-jarina Lewi angkanaya ia ke'nanga tuli lallayaniA'. Anjo parjanjiang-parjanjianga takkulleai nikaluppai.

PAMMUJI 111:9

Napakabebasaki umma'Na, appareki parjanjiang mannannungang siagang ke'nanga. Iami Batara matangkasa' siagang sannaka poreNa!