2 SAMUEL 23:10 - KITTA' MATANGKASA'

¹⁰ tuli ammantanna Eleazar angngewai tu Filistin na natumpasa' sa'genna mangngang dudumo nasa'ring. A'jari ka'doro'mi limanna sa'genna takkulleamo nalappassang pa'danna. Anjo alloa nisarei pammetang lompo tu Israel ri Batara. Anjo pasukang Israel ammonoka sumpaeng ammotereki ri tampa'na Eleazar a'bundu', nampa nalakka' baju pa'bundu'na sikamma mayaka anjoreng.

2 SAMUEL 23:10 Referans Kwoze

1 SAMUEL 19:5

Le'ba'mi nasaung nyawana wattunna nabuno Goliat, na nisaremo pammetang lompo tu Israel tete ri ia. Kalenta anciniki anjo apa le'baka kajariang, siagang rannumi pa'maitta anjo wattua. Jari angngapa nakiero' kamma-kamma anne ansessai tau tenaya kasalanna siagang ambunoi anjo Daud natena apa-apa saba'na?”

1 SAMUEL 11:13

Mingka nakanamo Saul, “Tenanniakka tau akkulle nibuno anne alloa, nasaba' anne alloa Napasalama'mi Batara Israel.”

2 KORINTUS 4:5

Anjo biritta napabattua ikambe teai biritta ri sesena ikambe. Anjo birittaya, biritta ri sesena Isa Almasi, angkanaya Iami Batara; na ikambemi anne a'jari atannu ngaseng lanri Isa.

ROMA 15:18

Iaji nakubarani akkana kamma lanri inakkena Napake Isa Almasi ampappicinikangi apa Nagaukanga Isa, iamintu Napa'jari mannurukimi bansa-bansa maraenga mae ri Allata'ala. Kugaukammi anjo lalang kana-kana siagang panggaukang;

YESAYA 53:12

Rellai ampassareangi katallassanna nantama' ri bilanna tau ja'dalaka. Natanggongi dosana tau jaia nappala' doang sollanna nipammopporang ke'nanga. Jari Kusaremi tau jai a'jari hadia, siagang para anggappami bageang siagang sikamma tau annabaya.”

PAMMUJI 144:10

Kisarei pammetang sikamma karaenga, siagang Kilappassang atanTa Daud.

PAMMUJI 108:13

Kitulungi ikambe mae ri musua, saba' tena matu-matunna bantuanna rupataua.

PAMMUJI 68:12

Assarei kaputusang Batara, nampa sikamma bainea angngerang kabara':

2 KARAENG-KARAENG 5:1

Anjo Naaman panglima tantarana tu Siria sannaka ningaina siagang nipakala'biri'na ri karaeng Siria. Nasaba' tete ri Naaman, nisarei pammetang ri Batara tantara Siria. Anjo Naaman panglima sanna' baranina, mingka natabai garring sala.

1 SAMUEL 14:23

A'bundu'mi ke'nanga ri sikamma aganga sa'genna allalo ri Bet-Awen. Nipasalama'mi ri Batara tu Israel anjo alloa.

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”

HAKING-HAKING 15:18

Nampa turere dudumo nasa'ring Simson. Akkio'mi mae ri Batara, angkana, “Silalongku Kisare pammetang lompo. Maka lamate tangnginunga' kamma-kamma anne sa'gengku najakkala' tu Filistin tenaya nanaassengKi'?”

HAKING-HAKING 15:14

Ri wattunna battu mae ri Lehi nierang Simson massing lari-larimi battu tu Filistin mange anggora-gorai. Ti'ring a'jari kassa'mi Simson lanri kakoasanNa Batara. Natappu'-tappu'mi anjo otere' passikko' limanna, sangkamma le'ba' angkana otere' ammutung anjo otereka garana.

YOSUA 11:8

Nanisaremo pammetang tu Israel ri Batara. Nabundukimi tu Israel siagang naondammi ke'nanga sa'genna Misrefot-Maim siagang Sidon bellana pawara'na, siagang sa'genna mange ri Ka'bung Mizpa patimboro'na. Tulusu' heba'na anjo pa'bundukanga sa'genna tena manna sitau musu ammantang tassesa, yangasenna mate kabusuki.

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

YOSUA 10:10

Nipa'jari lingumi ri Batara anjo tu Amoria ri wattunna nacini' ke'nanga tantara Israel. Jai tu Amori nibuno ri Gibeon, siagang anjo attallasaka ija niondangi naung ri pungku'na monconga ri Bet-Horon sa'genna mange ri Azeka siagang Makeda bellana patimboro'na.

2 SAMUEL 23:12

Mingka Sama tuli ammantanna attahang a'bundu', na nabuno siagang nabeta tu Filistin, sa'genna akkulle napartahangkang anjo kokoa. Kammaminjo nanisare pammetang lompo ri Batara.

1 PATTOTTORANG 11:13

Lalang ri pa'bundukang ri Pas-Damim, amminawang tommi a'bundu' ammenteng ri piha'na Daud angngewai tu Filistin. Ri wattunna appakaramulamo lari tantara Israel, ia siagang ana' buana attahangi ri tangnga-tangngana se'reang koko gandung, a'bundu' angngewai tu Filistin. Nampa nisaremo pammetang lompo ri Batara.

1 SAMUEL 17:53

Le'baki anjo ammotere'mi tu Israel battu angngondangi tu Filistin nampa narampasa' bone kemana ke'nanga.