2 SAMUEL 22:46 - KITTA' MATANGKASA'

⁴⁶ Lanynya'mi kabaranianna ke'nanga; annenremmi siagang assulu'mi ke'nanga battu ri paccokkoanna.

2 SAMUEL 22:46 Referans Kwoze

MIKHA 7:17

Lakkaloloki ke'nanga ri buttaya rapang ulara'. Mallaki siagang annekkereki ke'nanga lassulu' battu ri pattahanganna ke'nanga, nampa battu mae ri Katte, o Karaeng Allata'alana ikambe.

YAKOBUS 1:11

Ri wattunna battu alloa nanitaba ri bambang sarrona, kalumemmi anjo rukuka sa'genna ru'rusu' bungana siagang tappela'mi kaga'ganna. Kamma tomminjo mae ri tau kalumanynyanga: laancuruki ri wattunna napajappa usahana.

AMOS 9:3

Punna accokkoi ke'nanga ri coppo'na Moncong Karmel, laKuboyai naKujakkala' ke'nanga. Punna accokko ke'nanga irawanganna tamparanga, laKuparentakangi naga tamparanga untu' ampittoki ke'nanga.

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

YESAYA 2:19

Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.

1 SAMUEL 14:11

Ri wattunna napappicinikang kalenna ke'nanga mae ri tu Filistin ri anjo balla' jagaya, nakanamo anjo tu Filistinga, “Ciniki, nia' tu Ibrani assulu' battu ri kali'bong paccokkoanna!”