2 SAMUEL 22:34 - KITTA' MATANGKASA'

³⁴ Napakajarreki bangkengku rapang bangkeng jonga, na Najagai kasalamakkangku ri monconga.

2 SAMUEL 22:34 Referans Kwoze

YESAYA 58:14

Na nularannu lanri nugaukanna ibadanu mae ri Nakke. LaKupa'jari tunipakalompoko ri sikontu linoa. Lasannangi tallasa'nu lanri wassele' tana pisaka battu ri Yakub, boenu. INakke, Batara anne le'ba' a'bicara.”

PAOLE 32:13

BansaNa akkullei nakoasai moncong-monconga, ri butta a'batu-batua attimboi poko'-poko' zaitunga. Nakanrei ke'nanga wassele' koko-kokonna, nainung je'ne' bani taniparakaia ri alla' batu karanga.

HABAKUK 3:19

Kisarea' kagassingang rapang bangkeng jonga Kikassaki bangkengku. Kirurunganga' sollangku amang ri wattu a'jappaku ri pa'monconganga.

2 SAMUEL 2:18

Tallua ana'na Zeruya niaki anjoreng, iamintu Yoab, Abisai, siagang Asael. Ia gassinna lari Asael rapangi kijang.

YESAYA 33:16

Na lanijagai mako siagang laamang mako, rapang niakko lalang ri tembo' pattahangngang kassaka. Sadiai kanrea siagang inunganga untu' ikau.

PAOLE 33:25

Nila'langngi pakke'bu' lompo tambaga siagang bassi kota-kotana sollanna tuli salewangang tojeng-tojeng lalang tallasa'na.”

2 SAMUEL 23:1

Nipilei Daud ana'na Isai a'jari karaeng siagang nipa'jari tumalompoi ri Allata'alana Yakub. Iami appare' kelong-kelong untu' tu Israel. Na iaminne kana-kananna Daud kala'busanga: