2 SAMUEL 22:19 - KITTA' MATANGKASA'

¹⁹ Nabundukia' ri wattungku natuju bala mingka Batara a'jari pannulungku.

2 SAMUEL 22:19 Referans Kwoze

PAMMUJI 23:4

Manna kullalo ri ka'bung sassanga, tena kumalla' ri bahaya, saba' iKatte anrurunganga'. IKatte anjagaia' sanrapang pakalawaki anjagai gimbala'na siagang takkang na palu-palu lompo.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

YESAYA 26:19

UmmatTa mateamo lattallasa' poleangi ammotere', sikamma maya'na ke'nanga lambangungi ammotere'. Tau le'bakamo nitarawang lalang ri buttaya lambangung poleangi siagang akkio' rannu. Rapang saliu' ampakkamalei buttaya, Kipattallasaki ummatTa salloamo le'ba'na mate.

2 SAMUEL 22:18

Napasalamakka' battu ri musu porea siagang battu ri tau mangngabirissia ri nakke lanri ta'lalo kassa'na ke'nanga.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.