2 SAMUEL 22:11 - KITTA' MATANGKASA'

¹¹ A'dongko' ri malaeka' akka'nyi' anri'ba'; allayang irate ri ka'nyi'na anginga.

2 SAMUEL 22:11 Referans Kwoze

PAMMUJI 104:3

siagang ambangungi ballatTa ri tompo' je'neka ri langi'. Rammang-rammanga Kipa'jari kareta, ka'nyi'na anging Kidongkoki.

PAMMUJI 18:10

Napuemi langika nampa naung mae siagang rammang sassang irawangngang bangkenNa.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

YEHEZKIEL 9:3

Nampa caya accilla' pammatei kahaderanNa Allata'alana Israel tassioroki battu ri patunna malaeka'-malaeka' akka'nyika, nampa a'lette' battu ri tampa'na rioloa mange ri pakke'bu' antamaya ri Balla'Na Batara. Na Nakio'mo Batara anjo tau ammakeang lenanga, Nakana,

PAMMUJI 139:9

Punna anri'bakka' allalo ri bangkeng langi' iraya yareka ammantang ri cappa' lau' kaminang bellaya,

PAMMUJI 99:1

Batarami Karaeng; annekkereki bansa-bansaya. Ammempoi ri empoang kala'biranNa irate ri malaeka' akka'nyi', ta'goccangi buttaya.

PAMMUJI 80:1

Untu' pamimping pakelong. Situru' lagu: Bunga Bakung. Pammuji kasa'bianna Asaf.

PAMMUJI 68:17

Angngapa nabattu ri anjo coppo' jainu akkimburu anciniki Bulu' Sion Napilea Allata'ala untu' a'jari pammantanganNa? Lammantangi Batara anjoreng sa'genna satunggu-tungguna.

1 SAMUEL 4:4

Nampa nia'mo tau nasuro ke'nanga mange ri Silo untu' angngallei Patti ParjanjianNa Batara, a'jaria empoang kala'biranNa Batara Kaminang Koasaya. Ruaya ana'na Eli, iamintu Hofni siagang Pinehas, anrurungangi anjo Patti Parjanjianga.

KALAPPASSANG 25:19

tasse'rei massing ri cappa'na anjo pattia. Anjo ruaya malaeka' akka'nyi' musti nipa'jari se'rei bageang siagang pattongko'na,

PA'JARIANG 3:24

Nampa irayanganna anjo kokoa, ri dallekanna pakke'bu antamaya, nia'mo sipa'rappungang malaeka' pajaga, siagang nia'mo se're pa'dang a'rinraya pepe'na, amminroa ri kere-keremae, anjagai agang mangea ri anjo poko' assarea katallassang. Jari tenamo manna sitau akkulle antama' siagang a'reppese' anjoreng ri anjo pokoka.

2 SAMUEL 6:2

Napimpingi ke'nanga mange ri Baale-Yehuda, untu' angngallei battu anjoreng Patti Parjanjiang niarenga siagang arenNa Batara Kaminang Koasaya niaka empoang kala'biranNa irate ri patung-patunna malaeka' akka'nyika.