2 SAMUEL 21:9 - KITTA' MATANGKASA'

⁹ Nipassareangi ke'nanga mae ri tu Gibeon, nampa mate kabusu'mo ke'nanga nigentung irate ri bontoa ri dallekanNa Batara. Ri wattu kala'busanna wattu paccu'lakkanna lamung-lamunga nanihukkung mate ke'nanga, iamintu ri wattu appakkaramulana taua angngalle jelai.

2 SAMUEL 21:9 Referans Kwoze

RUT 1:22

Kammaminjo riwaya'na Naomi ri ammotere'na battu ri Moab siagang mintunna iamintu Rut, anjo tu battua ri Moab. Wattu appakkaramulai taua akkatto gandung nabattu ke'nanga mange ri Betlehem.

2 SAMUEL 21:6

Lanri kammana anjo, passareangi mae ri kambe tuju tu bura'ne jari-jarina sollanna nagentung ikambe ri dallekanNa Batara ri Gibea, kota kakaraengang kalenna Saul.” Appialimi karaenga angkana, “Baji'mi, lakupassareangi ke'nanga.”

2 SAMUEL 6:21

Appialimi Daud angkana, “A'jogeka' untu' ampakala'biriki Batara, le'baka antollaki manggenu siagang kaluargana, nampa Napileia' a'jari pamimpinna Israel, umma'Na. Lanri kammana anjo tuli la'jogeka' untu' ampakala'biriki Batara.

2 SAMUEL 6:17

Anjo Patti Parjanjianga nipadongkoki lalang ri kema le'baka natannang Daud untu' anjo Pattia. Nampa assare Daud koro'bang nitunu siagang koro'bang passiamakkang mae ri Batara.

1 SAMUEL 15:33

Nakanamo Samuel, “Sangkamma pa'dannu le'baki a'jari passabakkang najai amma' tappela' ana'na, kamma tomminjo amma'nu latappela'mi ana'na.” Nampa naalle nacancang Samuel anjo Agag ri dallekanna tampa' pakkoro'bangngang ri Gilgal.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

KALAPPASSANG 9:31

Anjo lamung-lamung birallea siagang ase kokoa laputtai, lanri anjo birallea sitabangi a'bunga siagang ase kokoa sitabang a'bulere'.

KALAPPASSANG 9:32

Mingka gandunga siagang lise'-liseranga talapanrakai lanri teaipi wattunna.

PAMMILANGNGANG 25:4

Nakanamo mae ri Musa, “Jakkala' ngasengi anjo sikontu tau ampimpingai anjo bansaya siagang bunoi ke'nanga ri dallekanna tau jaia untu' anggaukangi parentaKu, sollanna tenamo naKularro mae ri anjo bansaya.”

PAOLE 21:22

“Punna nia' tau le'ba' nihukkung mate lanri a'gau' ja'dala'na, siagang nigentungi maya'na ri se'reang benteng,