2 SAMUEL 20:26 - KITTA' MATANGKASA'

²⁶ Imanga ri balla' kakaraenganga: Ira tubattua ri kota Yair.

2 SAMUEL 20:26 Referans Kwoze

KALAPPASSANG 2:14

Appialimi anjo taua angkana, “Inai angngangkakko a'jari pamimping siagang haking mae ri kambe? Ero' tongko ambuno tonga' sangkamma anjo tu Mesirka nubunoa?” A'jari malla'mi Musa siagang napikkiriki angkana, “Ballasa'ma! Naassemmi taua anjo panggaukangku.”

2 PATTOTTORANG 35:15

Sikamma pakarena musika battu ri passilokoang bijanna Asaf ri suku Lewi, niaki ri tampa' tugasa' le'baka natantukang Karaeng Daud untu' ke'nanga. Iaminne areng-arenna ke'nanga: Asaf, Heman, siagang Yedutun tau anjamaya untu' karaenga. Sikamma pangawala'na pakke'bu' lompoa tena naparallu ambokoi tampa'na ke'nanga, lanri akkulle tonji nagaukang anjo Allo Lompo Paskaya ri massing tampa'na ke'nanga nibantu ri tu Lewi maraengannaya.

2 SAMUEL 8:18

Kapala pangawala' kalenna karaenga: Benaya ana'na Yoyada; Imang-imang balla' kakaraenganga: ana'-ana' bura'nena Daud.

KALAPPASSANG 24:11

Sikamma anjo pamimpinna tu Israel nacini'mi Allata'ala; mingka manna nakamma tenaja nanipanraki ke'nanga. Le'baki anjo angnganremi siagang angnginummi ke'nanga.

PA'JARIANG 41:45

Nampa nisaremo areng Mesir ri karaenga anjo Yusuf, iamintu niarengi Zafnat-Paaneah. Nisare tommi sitau baine niarenga Asnat, ana'na Potifera, a'jari imanga ri kota Heliopolis. Umuru'na Yusuf tallumpulo taung ri wattunna appakkaramula anjama untu' karaeng Mesir. Jari a'lampami Yusuf battu ri balla' kakaraenganga mange angkulilingi najappai sikontu pa'rasanganga.

PA'JARIANG 41:43

Nampa napassareang mae ri Yusuf kareta kakaraengang makaruaya untu' napake Yusuf, siagang a'jappami pangawala' kala'biranna karaenga ri dallekanna anjo karetaya, nakkiok-kio' anjo pangawalaka angkana, “Tutuko! Sarei oloang! Sarei oloang!” Kammaminjo naniangka'mo Yusuf a'jari guburnur mange ri sikontu Mesir.

2 SAMUEL 20:25

Jurutulisi'na pa'rasanganga: Seya. Imanga: Zadok ana'na Abyatar.

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

PAOLE 3:14

Yair battu ri suku Manasye angngallei anjo sikontu daera Argob, iamintu battu ri Basan sa'genna ri pa'baeng-baenna Gesur siagang Maakha. Naaremmi anjo desa-desaya sangkamma areng kalenna, na sa'genna kamma-kamma anne tuli alla'banna niasseng salaku desa-desa Yair.)