2 SAMUEL 20:20 - KITTA' MATANGKASA'

²⁰ Appialimi Yoab angkana, “Tena. Tena sikali nakuero' ampanraki yareka angngancuruki kotanu. Tena nakamma anjo pattujunna ikambe.

2 SAMUEL 20:20 Referans Kwoze

LUKAS 10:29

Mingka ero'mi napattojeng kalenna anjo guru agamaya. Jari akkuta'nammi pole nakana, “Inai anjo parangku tau?”

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

AYUB 22:18

Nampa Allata'alaja le'ba' ampa'jari kalumanynyangi ke'nanga! Tena tojeng nakupahangi batena appikkiri' tau salaya pikkiranna!

AYUB 21:16

Sai lanri kagassinganta tonji bawang, nanigappa sikontu erotta siagang pattujunta?’ Mingka tena sikali kusituju ri pikkirang siagang panggappa kammaya anjo.

2 SAMUEL 23:17

Nampa nakana, “O, Batara, takkullea' angnginungi anne je'neka! Punna kuinungi, kammai kusa'ring angnginunga' cera'na tau le'baka ansaungi nyawana ke'nanga!” Jari tena sikali naero' Daud angnginungi. Iaminjo jasa-jasana anjo tallua pejuang barania.

2 SAMUEL 20:10

Tanacinikai Amasa angkanaya nia' pa'dang ri lima kairinna Yoab. Ti'ring napacoka Yoab anjo pa'danga antama' ri battanna Amasa, sa'genna assulu'mo bone battanna Amasa naung ri buttaya. Matemi silalonna, sa'genna tenamo naparallu Yoab ancoka poleangi. Nampa napatulusu' lampana Yoab siagang andi'na iamintu Abisai untu' angngondangi Seba.

2 SAMUEL 20:19

Anne kotana ikambe iamintu kota Abel lompoi, kala se'renna kota kaminang amanga siagang tamamminraya pa'mai'na ri butta Israel. Angngapa nakiero' angngancuruki? Erokki' ampanraki buttaNa Batara?”

2 SAMUEL 20:21

Mingka nia' sitau niareng Seba, ana'na Bikri, tubattu ri daera monconna Efraim, le'ba' ero' angngewa ri Karaeng Daud. Passareangi anjo taua, kunampa a'lampa battu ri anne kotaya.” Nakanamo anjo bainea, “Ulunna anjo taua lanapasambilai ikambe battu rate ri temboka anne mae ri katte.”