2 SAMUEL 2:26 - KITTA' MATANGKASA'

²⁶ Battu anjoreng akkio'mi Abner mae ri Yoab angkana, “Apa musti tuli a'bundukki'? Tenaka nanuu'rangi angkanaya anne bunduka poro angngeranna kapa'risang? Ikambe anne sari'battang julu bansanu. Siapapi sallonu ero' attayang lalang tenanapa nanuparentakangi ana' buanu sollanna ammari angngondangi ikambe?”

2 SAMUEL 2:26 Referans Kwoze

YEREMIA 46:14

“Yeremia, pa'la'bangi nupau anne kabaraka mae ri kota-kota Mesir, iamintu ri Memfis, Migdol siagang Tahpanhes, angkana, ‘Pasadiai kalennu untu' attahang, lanri sikontu apa-apa niaka ri kau lanipanraki lalang pa'bundukang!

LAMPA-LAMPANA 7:26

Ammukona nia'mo pole narapikang rua tu Israel assiba'ji. Naallemi nasa'lakki nampa napa'dame ke'nanga. Nakana ri ke'nanga, ‘Ikau antu tau assari'battangko. Apa saba'na nuero' assiba'ji?’

YEREMIA 46:10

Mingka inakke, Yeremia kukanamo, iaminne allonNa Karaeng Allata'ala Kaminang Tinggia siagang Kaminang Koasaya; ri anjo alloa Napa'balassi sikontu musu-musunNa. Pa'danNa bassoroki angnganre tau siagang angnginung cera'. Anne alloa Batara Kaminang Koasaya, Nasamballei koro'bang-koro'banga wara', ri anjo birinna Binanga Efrat.

HOSEA 11:6

Bundu' lompoa lanarapiki sa'genna kota-kotana ke'nanga; lanipanraki sikamma pakke'bu' lompoa, siagang lania'moroki ummakKu. Nakajariang anjo kammaya lanri naturukinna ero' kalenna ke'nanga,

YEREMIA 12:12

Battu ba'leang ri parang lompoa ri pa'monconganga, battu taua angngellaki. Kupabattui pa'bundukanga untu' ampanraki sikontu pa'rasanganga, sa'genna tenamo manna sitau akkulle attallasa' amang.

YEREMIA 4:21

Siapapi sallona lakucini' tau a'bunduka sipaccappu'? Siapapi sallona lakulangngere' sa'ra tarompe' appakatongoloka?

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

YESAYA 1:20

Mingka punna angngewako ri Nakke, lamateko lalang bundu'. INakke, Batara, anne a'bicara mae ri kau ngaseng.”

PANGNGEBARANG 17:14

Appakaramulaya pa'beserang sanrapangi anynyungke oloang je'ne'; lanri kammana anjo, ammono'boko mako ri tenanapa nappakkaramula anjo pa'beseranga.

PAMMUJI 4:2

O, Allata'ala, iKatte pambelaku; punna kumakkio' Kipialia'. Ri wattungku susa, Kitulunga'; anne kamma kamaseanga' naKipilangngeri pappala' doangku.

2 SAMUEL 11:25

Nakanamo Daud ri anjo tunisuroa, “Pakajarreki pa'mai'na Yoab siagang pauangi sollanna tena naca'di pa'mai'na, nasaba' takkulleai nitappu angkanaya inai lamate lalang ri pa'bundukanga. Pauangi sollanna napakajai siagang la'bi naterassi majua mae ri anjo kotaya sa'genna tundu' anjo kotaya.”

2 SAMUEL 2:16

Sikakka' uu'mi ke'nanga siagang sitobo'mi para parru'na ke'nanga, sa'genna para mate ke'nanga. Lanri kammana minjo naniaremmo anjo tampaka ri Gibeon “Koko Pa'dang”.

2 SAMUEL 2:14

Nampa nakanamo Abner mae ri Yoab, “Umba nanisuroi ana' buata attanding!” Appialimi Yoab angkana, “Baji'mi”.

2 SAMUEL 2:25

Anjoreng sikamma tu battua ri suku Benyamin asse'remi siagang Abner, nampa naatoro' barisanna ke'nanga irate ri coppo'na se'rea bulu'.

2 SAMUEL 2:27

Appialimi Yoab angkana, “Lanri Allata'ala mattallasaka, ebara' angkana tena nuppakkaramula a'bicara, ma'nassa tulusu' lanaondannu ana' buaku sa'genna ammuko bari'basa'.”