2 SAMUEL 19:4 - KITTA' MATANGKASA'

⁴ Natongkoki karaenga rupanna siagang angngarru' lompomi, angkana, “O, anakku! Anakku Absalom! Absalom anakku!”

2 SAMUEL 19:4 Referans Kwoze

2 SAMUEL 18:33

Nalangngere'na anjo kabaraka, sanna'mi si'nana nyawana karaenga, nampa nai'mo ri kamaraka irateanna pakke'bu' lompoa angngarru' nakana, “O anakku! Anakku Absalom! Absalom anakku! Bajikangngang inakkemo mate ansambeangko, anakku! Absalom, anakku!”

2 SAMUEL 15:30

Le'baki anjo nasungkemi sapatuna Daud. Angngambi'mi nai' ri Bonto Zaitun siagang sikontu tumminawanna, angngarru' nabongong ulunna pammatei kasusaanna.

2 SAMUEL 19:3

A'mere'-merekimi ke'nanga ammotere' mange ri kotaya, rapang tantara siri'-sirika lanri lari battu ri pa'bundukanga.

2 SAMUEL 19:5

A'lampami Yoab mange andallekang ri karaenga na nakana, “Anne alloa kipakasiriki ana' buata karaeng, nampa ke'nangami le'ba' ampasalamaki nyawata, nyawana ana'-ana' baineta siagang ana'-ana' bura'neta, bainenta siagang sikamma baine piarata.

2 SAMUEL 14:1

Naassengi Yoab angkanaya sanna' nakku'na Karaeng Daud mae ri Absalom;