2 SAMUEL 19:27 - KITTA' MATANGKASA'

²⁷ Ba'lalo nipitinai atanta mae ri karaengku. Mingka ikatte rapangki' malaeka'Na Allata'ala. Lanri kammana anjo kigaukammi apa kikanaya baji' ri pa'maitta karaeng.

2 SAMUEL 19:27 Referans Kwoze

2 SAMUEL 14:20

Mingka nanagaukang anjo kammaya lanri ero'na ampakale'baki anjo parkaraya siagang baji'. Bajikki' siagang cara'dekki' karaeng sangkamma malaeka'Na Allata'ala sa'genna akkulle kiasseng sikontu apa kajarianga.”

2 SAMUEL 14:17

Tappaki atanta angkanaya anjo janjinna karaengku lanatanggongi kasalamakkanna atanta lanri ikatte rapangki' malaeka'Na Allata'ala, akkullea angngassengi apa bajika siagang apa ja'dalaka. Dasi-dasi naNarurungangki' Karaeng Allata'ala!”

2 SAMUEL 16:3

Nampa akkuta'nammo karaenga ri ia angkana, “Kemae Mefiboset cucunna karaennu Saul?” Appialimi Ziba angkana, “Tuli nia'na ri Yerusalem, lanri tappaki angkanaya kamma-kamma anne lanapoterangi tu Israel kakaraenganna toana iamintu Saul mae ri ia.”

1 SAMUEL 29:9

Appialimi Akhis angkana, “Nuassengi angkanaya inakke kukanako tena pamminranu sangkamma malaeka'Na Allata'ala. Mingka sikamma panglimaya anjo, le'baki natappuki angkanaya tena nukkulle amminawang a'bundu' siagang ikambe.

YEREMIA 9:4

Musti tutui taua, manna pole ri aganga tonji siagang manna sari'battang polong parruka takkulle ngaseng nipatappa'. Nasaba', sangkamma Yakub kamma tomminjo ke'nanga, massing natipui sari'battanna. Tunggala' taua a'jappai mange-mange untu' appasiara' pitina siagang balle-balle.

PAMMUJI 101:5

Tau a'mere'-merekia ampitinai paranna tau lakuballassi. Tau tampoa siagang tinggi langgaya tena nalakubalang parekangi.

PAMMUJI 15:3

tenaya napitinai paranna tau, tenaya na'gau' ja'dala' mae ri aganna, tenaya nabicara kodi siampi' balla'na;

KALAPPASSANG 20:16

Teako assarei kasa'biang takontutojeng mae ri parannu tau.

2 SAMUEL 16:4

Nampa nakanamo karaenga ri Ziba angkana, “Appakkaramula kamma-kamma anne sikontu barang-baranna Mefiboset ikau ngasemmi pata.” Appialimi Ziba angkana, “Tarima kasi karaeng. Dasi-dasi natuli sannang pa'maitta mae ri atanta karaeng!”

2 SAMUEL 9:3

Nampa akkuta'nang karaenga angkana, “Nia' ijaka attallasa' battu ri kaluargana Saul? Erokka' a'gau' baji' mae ri ia, sangkamma le'baka kupa'janjiang mae ri Allata'ala.” Appialimi Ziba angkana, “Nia' ija sitau ana' bura'nena Yonatan. Attempangi.”

2 SAMUEL 9:13

Kammaminjo nammantammo Mefiboset panra' rua-ruaya bangkenna ri Yerusalem siagang tuli angnganrena ri balla' kakaraenganga.