2 SAMUEL 19:23 - KITTA' MATANGKASA'

²³ Nampa assumpamo karaenga mae ri Simei angkana, “Kutanggongi angkanaya tena nulanihukkung mate.”

2 SAMUEL 19:23 Referans Kwoze

1 KARAENG-KARAENG 2:46

Le'baki akkana kamma, naparentakammi karaenga mae ri Benaya nampa a'lampa Benaya mange ambunoi Simei. Kamma-kamma anne koasami ri sikabusu'na lalang kakaraenganna.

1 KARAENG-KARAENG 2:37

Punna baraniko assulu' siagang a'lampa allaloi pangkana Binanga Kidron, musti nibunoko. Nampa kalennu tonji antanggongi anjo kasalannu.”

IBRANI 6:16

Punna nia' tau assumpa, areng tumaraeng la'bi tinggianganga napau, sa'genna akkullemo napa'le'ba' pa'geakkanna ri passabakkang anjo sumpaya.

1 SAMUEL 30:15

Nampa akkuta'nang Daud ri ia angkana, “Ero' jako angngantarakka' mange ri tampa'na anjo garombolanga?” Appialimi nakana, “Ero'ja', assala' a'janjiki' mae ri nakke lanri arenNa Allata'ala, angkanaya tena nalakibunoa' yareka kipassareanga' mae ri pinggawaku.”

1 SAMUEL 28:10

Nampa assumpamo Saul angkana, “Lanri arenNa Batara mattallasaka, a'janjia' angkanaya tena nalanihukkungko lanri nugaukanna anne.”

2 SAMUEL 19:24

Kammayatompa Mefiboset cucunna Saul, battu tongi untu' anruppai karaenga. Tena nanabissai bangkenna, tena nanacukkuruki janggo'na, siagang tena nanasassai pakeanna baku'na nabokoi Karaeng Daud Yerusalem sa'genna ammotere' siagang salama'.

1 SAMUEL 11:13

Mingka nakanamo Saul, “Tenanniakka tau akkulle nibuno anne alloa, nasaba' anne alloa Napasalama'mi Batara Israel.”

2 SAMUEL 16:10

Mingka Nakanamo karaenga ri Abisai siagang Yoab daenna, “Teako jampangi anjo. Lappassammi nanatunraia'. Nasaba' punna Batara ansuroi, inaika akkulle angkuta'nangi angkana angngapa nappakamma anjo?”