2 SAMUEL 19:13 - KITTA' MATANGKASA'

¹³ Nasuro tommi Daud ke'nanga ampaui mae ri Amasa kammaya anne, “Sai ikau sibijaki'? Appakkaramula kamma-kamma anne kuangkakko a'jari panglima tantaraku ansambeangi Yoab. Poro Nabuno laloa' Allata'ala punna tena nakurupai anjo kanangku!”

2 SAMUEL 19:13 Referans Kwoze

2 SAMUEL 17:25

Le'ba'mi naangka' Absalom tu niarenga Amasa a'jari kapala pasukang untu' ansambeangi Yoab. Anjo Amasa ana'na Yitra tu Ismael; amma'na niarengi Abigail ana'na Nahas, iamintu sari'battang bainena Zeruya amma'na Yoab.)

1 KARAENG-KARAENG 19:2

Jari akkirimmi kabara' Izebel mae ri Elia angkana, “Poro nahukkunga' rewataya, ba'lalo nabunoa', punna ammuko ri wattu kamma-kammaya anne, natena nakupakamma tongko anjo apa le'baka nugaukang mae ri anjo na'bi-na'bi Baal.”

2 SAMUEL 8:16

Iaminne areng-arenna sikamma tau tinggia pangka'na naangkaka Daud: Panglimana tantaraya iamintu Yoab ana'na Zeruya; Jurutulisi'na balla' kakaraenganga: Yosafat ana'na Ahilud; Imang-imanga: Zadok ana'na Ahitub siagang Ahimelekh ana'na Abyatar; Jurutulisi'na pa'rasanganga: Seraya

RUT 1:17

Kemae-kemaeki' mate, anjoreng tomma' ero' mate siagang nitarawang. Poro Nahukkunga' Batara sibatta'-battala'na, punna erokka' assisa'la' siagang ikatte, pantaranganna kamateanga ampasisa'lakki'!”

1 PATTOTTORANG 12:18

Kalase'renna ke'nanga, iamintu Amasai, a'jaria sallang pamimping ri anjo nikanaya “Tallumpuloa Perwira,” nikoasai ri RohNa Allata'ala, angkana, “O Daud, ana'na Isai! Ikambe anne erokki' ambantuko! Poro ikau siagang sikamma ke'nanga ambantuako nisarei pammetang. Niaki Allata'ala angngagangangko!” Jari nitarimami ke'nanga ri Daud siagang niangka'mi ke'nanga a'jari perwira lalang ri tantarana.

2 SAMUEL 18:11

Appialimi Yoab angkana, “Apa? Nuciniki? Angngapa natena nubunoi linta'? Mattantu kusareko sampulo doe' pera' siagang se're passikko' aya' ka'de' nubunoi.”

PA'JARIANG 29:14

nakanamo Laban, “Kammatojengi, ikau bija ma'reppesekko ri nakke.” Ammantammi Yakub ri anjo ballaka sibulang sallona.

2 SAMUEL 3:27

Tena nasallo battuna Abner mange ri Hebron, nikio'mi ri Yoab mae ri sa'ri, mae ri ampi'na pakke'bu' lompoa, sangkamma angkanaya nia' rahasia lanabicara. Ti'ring natobo'mi Yoab parru'na Abner sa'genna mate. Kammaminjo namatemo Abner nibuno ri Yoab untu' ambalasaki pammunoanna Abner ri andi'na Yoab iamintu Asael.

2 SAMUEL 5:1

Le'baki anjo battu ngasemmi sikontu pamimping-pamimpinna suku-suku Israel mange ri Daud ri Hebron siagang angkana ke'nanga ri ia, “Ikambe anne bija ma'reppesettaki' karaeng.

2 SAMUEL 20:4

Naparentakangi karaenga mae ri Amasa angkana, “Pa'rappungi tu Yehuda nampa battuko siagang ke'nanga mae ri nakke lalanna tallungngalloa.”