2 SAMUEL 18:9 - KITTA' MATANGKASA'

⁹ Ri wattunna nabae Absalom jaranna, ti'ring assibuntulu'mi siagang ana' buana Daud. Allaloi anjo jaranga rawanganna poko' kayu lompoa nabodo poko'na, sa'genna tassangkala'mo ulunna Absalom ri tangkenna anjo poko' kayua. Jaranna lari tulusuki nampa Absalom ammantangi ta'gentung anjoreng ri tangke kayua.

2 SAMUEL 18:9 Referans Kwoze

2 SAMUEL 14:26

Uu'na sanna' ka'ba'na, siagang musti napolongi sikali sitaung lanri battala' duduna nasa'ring. Anjo uu' napolonga la'bi rua kilo battala'na situru' timbangang niaka nipake ri karaenga.

PANGNGEBARANG 30:17

Tau ancau-cauwai manggena yareka amma'na toayamo, siratangi nipasambila assulu' sollanna nitotto' matanna ri jangang-jangang kalaa' siagang nikanre maya'na ri balangkoa'.

AYUB 31:3

Cilaka siagang susa ma'nassa Napabattu mae ri tau a'gau' ja'dalaka!

GALATIA 3:13

Mingka le'ba' maki' Napakabella Almasi battu ri pangngalarroiNa Allata'ala lanri hukkung-hukkung agamaya. Napassareammi KalenNa nituju ri pangngalarroia passabakkang ikatte. Nasaba' nia' tattulisi' lalang ri Kittaka angkanaya, “Cilakami tau mate nigentunga irate ri kayu sallika.”

MARKUS 7:10

Nasaba' le'ba' mako nasare Musa anne parentaya angkana, ‘Pakala'biriki anrong-manggenu,’ siagang ‘Inai-nai ampakka'-pakkanai anrong-manggena musti nihukkung matei.’

YEREMIA 48:44

Tau laria battu ri tau lammunoa, latu'guruki antama' ri kali'bonga, siagang tau akkullea assulu' battu ri kali'bonga laniallei ri sikko'. Yangasenna anjo kammaya lakajariangi ri wattu le'baka Kupattantu untu' angngancuruki Moab.

PANGNGEBARANG 20:20

Tau antunrayai tau toana, lalanynyaki tallasa'na sanrapang lampu matea ri wattu bangngi sassanga.

2 SAMUEL 18:14

Nakanamo Yoab, “Sudamo. Poro tappela'-pela'ji wattua angngagangku a'gea'.” Nampa angngalle Yoab tallu poke na'lampa ampacokai antama ri barambanna Absalom attallasaka ija anjo wattua siagang ta'gentunga ri poko' kayua.

2 SAMUEL 17:23

Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

PAOLE 27:20

‘Nitunrai tau anghinayai manggena lanri assikatinroanna siagang kalase'renna bainenna manggena.’ ‘Aming!’

PAOLE 27:16

‘Nitunrai tau tenaya napakala'biriki tau toana siagang nabalang parekangi ke'nanga ta'ronang-ronang tallasa'na.’ ‘Aming!’

PAOLE 21:23

anjo mayaka takkulleai niboli' anjoreng sila'busu' bangngi, mingka musti nitarawang memangi anjo wattua. Maya' ammantanga ta'gentung ri bentenga appabattui pattunra battu ri Allata'ala mae ri anjo pa'rasanganga. Jari, tarawangi anjo mayaka sollanna tena nara'massi pa'rasangang Napassareanga Karaeng Allata'alanu mae ri kau.

MATIUS 27:5

Napasambilami Yudas anjo doeka antama' ri Balla'Na Batara, nampa a'lampa anggentungi kalenna.

2 SAMUEL 13:29

Nagaukammi anjo sikamma ataya parentana Absalom, nampa nabuno ke'nanga Amnon. Nacini'na anjo kajariang kammaya sikamma ana' bura'nena Daud maraenganga massing nai'mi ri jaranna nampa lari.

2 SAMUEL 18:8

A'la'baki anjo pa'bundukanga mange ri sikontu anjo daeraya, siagang la'bi jaiangngangi mate takkurunga lalang ri romanga naia matea ri tampa' pa'bundukanga.

2 SAMUEL 18:10

Kalase'renna ana' buana Daud anciniki nampa nalaporo' mae ri Yoab, angkana, “Bapa', kuciniki Absalom sumpaeng ta'gentung ri se'reang poko' kayu lompo!”