2 SAMUEL 18:28 - KITTA' MATANGKASA'

²⁸ Akkio'mi Ahimaas a'bari sallang ri karaenga, nampa su'ju' siagang nakana, “Nipujimi arenNa Karaeng Allata'alata, le'baka ampassareangi mae ri katte sikamma tau angngewaya mae ri katte!”

2 SAMUEL 18:28 Referans Kwoze

2 SAMUEL 14:4

Jari a'lampami anjo bainea andallekang ri karaenga, nampa su'ju' anynyomba siagang angkana, “O karaeng mala'birikku, kitulungi atanta!”

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

PAMMUJI 124:6

Umba kippala' sukkuru' mae ri Batara, lanri tena Nabalang parekangki' niposso' ri balia.

PAMMUJI 115:1

Teai ikambe, o, Batara, teai ikambe, mingka iKatteji musti nipuji, saba' iKatte tamamminraya siagang tuli mangngamaseang.

PAMMUJI 31:8

Rannua' na kuma'reja-reja saba' tuli Kikamaseanga'. IKatte anciniki pa'risikku na Kiparhatikang kasusaangku.

2 PATTOTTORANG 20:26

Ri allo makaappa'na a'rappung kabusu'mi ke'nanga ri Ka'bung Lappara' Pammuji. Nampa mammujimo ke'nanga ri Batara lanri sikontu anjo apa le'baka Nagaukang. Lanri kammanami anjo naniaremmo anjo lapparaka “Pammuji.”

2 SAMUEL 22:27

Kipa'nyatai kalenTa mae ri tau matangkasaka, mingka Kimusui tau ja'dalaka.

2 SAMUEL 1:2

Ammukona, nia'mo se're tu rungka battu ri pakkemaanna Saul. Salaku pammatei angkanaya susa kamateangi, nakekke'mi pakeanna siagang naboneimi butta ulunna. A'lampai mange ri Daud nampa su'ju' ri dallekanna.

1 SAMUEL 26:8

Nakanamo Abisai ri Daud, “Napassareammi Allata'ala musunnu anne bangngia mae ri kau. Pa'biamma' nakupokei siagang poke kalenna sa'genna attimbusu' naung ri buttaya, sikalimo bawang kucoka, teami napinruang!”

1 SAMUEL 24:18

Kaja'dallangku ri kau nubalasaki siagang kabajikang. Anne alloa nupappicinikammi angkanaya bajikko mae ri nakke, nasaba' tena nanubunoa', manna na Napassareamma' Batara mae ri kau.

PA'JARIANG 24:27

Nakana, “Nipujimi Batara, Allata'alana karaengku Abraham. Ma'nassa akkana sitappa' tojengi Batara siagang baji' pa'maiki mae ri karaengku Abraham. KalenNa ampimpinga' tulusu' mae ri bija pammanakanna.”

KALAPPASSANG 18:10

siagang nakanamo, “Nipujimi Batara le'baka ampasalamakko battu ri limanna Karaeng Mesir siagang ra'ya'na. Nipujimi Batara le'baka allappassangi bansa Israel battu ri nipare' ataya.

1 SAMUEL 17:46

Anne memang alloa naNapassareangko Batara mae ri nakke. Lakubetako, siagang lakusamballei kallonnu nampa kualle ulunnu. Kalennu siagang kalenna ngaseng tantara Filistin lakupassareangi ri jangang-janganga siagang olo'-oloka sollanna nakanrei. Nampa sikontu linoa lanaassemmi angkanaya ikambe bansa Israel nia' Allata'alata nisomba.

1 SAMUEL 25:23

Nacini'na Abigail anjo Daud, akkaro-karomi naung battu ri keledaina nampa su'ju'