2 SAMUEL 18:27 - KITTA' MATANGKASA'

²⁷ Nakanamo anjo pajagaya, “Anjo uru-urua Ahimaas. Naassengi atanta batena lari.” Nakanamo karaenga, “Ia tau baji'. Tantu kabara' baji' naerang.”

2 SAMUEL 18:27 Referans Kwoze

2 KARAENG-KARAENG 9:20

Nalaporo'mi pole pangawala'na menaraya angkanaya anjo tantara nisuroa battumi mange anjoreng ri rombonganga mingka tenai ammotere'. Nampa nakana pole, “Nakulle kapang Yehu pamimpinna anjo rombonganga, nasaba' a'dongko' kareta bunduki sangkamma tau pongoro'.”

1 KARAENG-KARAENG 1:42

Tenapa nale'ba' a'bicara Yoab, ti'ring battumi Yonatan, ana'na Imang Abyatar. Nakanamo Adonia, “Antamakko mae. Ikau tau bajikko, tantu kabara' baji' todong nuerang.”

ROMA 10:15

Kammayatompa pole, antekamma lakkulle taua ampabattui anjo birittaya punna tena nanisuroi ke'nanga? Nia' tattulisi' lalang ri Kittaka angkanaya, “Teai sipato' baji'na kabattuanna tau angngeranga Kabara' Baji' battu ri Allata'ala.”

YESAYA 52:7

Tamaka sannanna pa'maika anciniki kabattuanna tunisuroa; a'jappai allalo ri pa'monconganga siagang angngerang kabara' baji, kabara' salewangang, kabara' kasalamakkang mae ri Sion: nakana, “Allata'alanu Karaeng!”

PANGNGEBARANG 25:25

Annarimaya kabara' baji' battu ri pa'rasangang bella sanrapangi angnginung je'ne' dinging ri wattu turere.

PANGNGEBARANG 25:13

Tunisuro tamamminraya, napakasannangi nyawana tumassurona, sanrapang je'ne' dinging nakasiaka pakattoa ri kokoa.

2 SAMUEL 18:26

nia'moseng sitau battu mae lari todong. Jari akkio'mi angkana, “Ciniki! Nia' pole tau maraeng lari kale-kalenna mae anrinni.” Appialimi karaenga angkana, “Mattantu kabara' baji' todong naerang.”