2 SAMUEL 17:3 - KITTA' MATANGKASA'

³ Mingka sikontu ana' buana lakupoterangi mae ri karaengku, rapang bunting baine ammotere' mae ri bura'nenna. Sai se'reji bawang nyawa kikaeroki karaeng? Maraenganga tena nalaniapa-apa.”

2 SAMUEL 17:3 Referans Kwoze

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

YESAYA 57:21

Tena kasannangngang mae ri tau dorakaya,” Nakana Batara.

YESAYA 48:22

Tena kasalamakkang mae ri tau ja'dalaka,” Kammaminjo kananNa Batara.

2 SAMUEL 3:21

Le'baki anjo appala'kanami Abner siagang angkana, “Kilappassamma' a'lampa untu' ampagioki sikontu tu Israel sollanna asse're ke'nanga siagang karaengku. Lanatarimaki' ke'nanga a'jari karaeng, na lanri kammana na karaengku lammarenta mae ri sikontu pa'rasanganga, situru' ero'na karaengku.” Nampa nilappassammo Abner a'lampa ri Daud siagang nitanggongi kasalamakkanna.

2 SAMUEL 17:4

Anjo kana-kana pangngunjuka natarima bajiki Absalom siagang sikontu pamimpinna Israel.

YEREMIA 6:14

Anjo bokka'-bokka'na ummakKu nakanangi ke'nanga poro bokka' ca'diji bawang. Nakana ke'nanga, ‘Ah, tenangngapa-apa, yangasenna baji'ji siagang amanji.’ Nampa tena sikali nakamma anjo.