2 SAMUEL 17:25 - KITTA' MATANGKASA'

²⁵ Le'ba'mi naangka' Absalom tu niarenga Amasa a'jari kapala pasukang untu' ansambeangi Yoab. Anjo Amasa ana'na Yitra tu Ismael; amma'na niarengi Abigail ana'na Nahas, iamintu sari'battang bainena Zeruya amma'na Yoab.)

2 SAMUEL 17:25 Referans Kwoze

1 PATTOTTORANG 2:13

Ana' bura'nena Isai nia' tuju. Iaminne areng-arenna ke'nanga situru' susunang umuru'na: Eliab, Abinadab, Simea,

2 SAMUEL 19:13

Nasuro tommi Daud ke'nanga ampaui mae ri Amasa kammaya anne, “Sai ikau sibijaki'? Appakkaramula kamma-kamma anne kuangkakko a'jari panglima tantaraku ansambeangi Yoab. Poro Nabuno laloa' Allata'ala punna tena nakurupai anjo kanangku!”

1 KARAENG-KARAENG 2:32

Lanihukkungi ri Batara lanri pammunoang le'baka nagaukang nampa tanaassenga manggeku. Abner, perwira tantarana Israel, siagang Amasa perwira tantarana Yehuda, rua-rua tena salana. Bajikangngangi ke'nanga na kalenna Yoab, mingka nabunoi ke'nanga.

1 KARAENG-KARAENG 2:5

Nia' pole se're passala'! Tantu nuu'rangi apa le'baka nagaukang Yoab mae ri nakke nabunona rua perwira tantarana Israel, iamintu Abner ana'na Ner siagang Amasa ana'na Yeter. Nabunoi ke'nanga ri wattu amanna taua untu' ambalasaki pammunoang le'baka nagaukang ke'nanga ri wattu a'bundu'na taua. Nabunoi tau tenaya salanna, mingka kamma-kamma anne inakkemi antanggongi panggaukanna siagang inakkemi sessa.

2 SAMUEL 20:4

Naparentakangi karaenga mae ri Amasa angkana, “Pa'rappungi tu Yehuda nampa battuko siagang ke'nanga mae ri nakke lalanna tallungngalloa.”

2 SAMUEL 17:26

Akkemai Absalom siagang ana' buana ri butta Gilead.

1 KARAENG-KARAENG 2:28

Nalangngere'mi Yoab yangasenna anjo kajarianga. A'jari malla'mi lanri ammenteng maei ri Adonia. Mingka, riolo tena nammenteng mae ri Absalom. Jari larimi mange ri KemaNa Batara anta'galaki cappa'-cappa'na tampa' pakkoro'bangnganga.

2 SAMUEL 19:14

Kammaminjo nakkullemo Daud angngallei pa'mai'na sikontu tu Yehuda sa'genna akkirimmo ke'nanga pasang mae ri karaenga sollanna ammotere' mange ri balla' kakaraenganga siagang ngaseng sikontu pagawena.

1 PATTOTTORANG 12:19

Ri wattunna Daud siagang tu Filistin ambunduki Karaeng Saul, nia' sipa'gang battu ri tantara suku Manasye a'limbang mange a'jari agang ri Daud. Sikontutojenna tena nabantui Daud anjo tu Filistin. Nisuroi ri sikamma pamimpinna tu Filistin ammotere' mange ri Ziklag lanri nakamallakkangi ke'nanga angkana laagang mangei ri Karaeng Saul anjo Daud siagang a'jari bali mae ri ke'nanga.