2 SAMUEL 17:22 - KITTA' MATANGKASA'

²² Nampa a'limbamo Daud siagang ana' buana ri Binanga Yordan, siagang battumi anta'le ri tenanapa nammumba alloa.

2 SAMUEL 17:22 Referans Kwoze

YOHANES 18:9

Lanri akkana kammana anjo Isa, a'rupami apa le'baka Napau pirangalloang angkana: “Bapa', sikamma tau Kipassareanga ri Nakke, manna sitau talaniakka tappela'.”)

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

PANGNGEBARANG 27:12

Tau cara'deka a'lili punna nia' nacini' bahaya; tau toloa a'jappa tulusuki nampa nituju ri bala.

2 SAMUEL 17:24

Battumi Daud mange ri kota Mahanaim ri wattunna a'limbang Absalom ri Binanga Yordan, nirurungang ri tu Israel. (

PAMMILANGNGANG 31:49

nampa a'laporo' angkana, “Bapa', le'baki narekeng ikambe sikamma tantara ana' buana ikambe. Ma'nassami angkanaya angganna' ngasenji jaina ke'nanga, tena manna sitau tappela'.

2 SAMUEL 17:21

Assulu'mi Ahimaas siagang Yonatan battu ri anjo bungunga, nampa akkaro-karo a'lampa mange ri Daud siagang nalaporo' ngasemmi ke'nanga sikamma apa naassenga. Nakana ke'nanga, “Napassuroangi Ahitofel untu' maju ambunduki karaenga. Jari a'lampa memang maki' kamma-kamma anne a'limbang ri anne binangaya.”

2 SAMUEL 17:23

Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

PAMMUJI 42:6

Angngapa nasi'na siagang lussa' pa'maikku? Manrannuanga' ri Allata'ala. Na kulappala' sukkuru' pole mae ri Ia, ri Allata'alaku siagang Tumappasalamakku.