2 SAMUEL 17:13 - KITTA' MATANGKASA'

¹³ Punna lari antama' ri se'reang kota, sikontu ra'yatta langngallei otere' jai nampa nare'resang anjo kotaya nampa natu'gurang naung ri ka'bung kaminang a'reppeseka. Manna silisere' batu talania' ammantang irate ri anjo bontoa.”

2 SAMUEL 17:13 Referans Kwoze

MATIUS 24:2

Nakanamo Isa ri ke'nanga, “Nucini' ngasemmi anjo bangunanga? Assemmi angkanaya, manna se're batu talania' sallang ammantang assusung ri tampa'na, nasaba' lanirumbang ngasengi!”

MIKHA 1:6

Lanri kammanami anjo na Nakana Batara, “LaKupa'jari Samaria tambungang loro ri paranga, siagang tampa'na taua a'lamung poko' anggoro'. Rumbanganna anjo kotaya laKubuangi antama ri ka'bunga, siagang laKubongkara' kabusuki pondasina.

2 SAMUEL 17:14

Nalangngere'na anjo, nakanamo Absalom siagang sikontu tu Israel, “Anjo kana pangngunju'na Husai bajikangngangi nakana pangngunju'na Ahitofel.” Memang, Batara le'ba' ampattantui laNahalangi anjo kana pangngunju' baji'na Ahitofel, sollanna nituju Absalom ri bala lompo.