2 SAMUEL 16:23 - KITTA' MATANGKASA'

²³ Anjo wattua sikamma kana pangngunju'na Ahitofel nipilangngeri kabusuki sangkamma angkanaya kana KalenNa Allata'ala; baji' Daud kammayatompa Absalom naturuki ngasengi kana pangngunju'na.

2 SAMUEL 16:23 Referans Kwoze

2 SAMUEL 15:12

Nampa lalang assarena Absalom koro'bang, akkiring tommi tunisuro mange ri kota Gilo untu' angkioki Ahitofel, iamintu tumailalanna Karaeng Daud. Kammaminjo passikongkolanga napila' kassa'mo ero' angngewai karaenga, siagang pila' jaimi tau amminawang ri Absalom.

2 SAMUEL 17:23

Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

2 SAMUEL 17:14

Nalangngere'na anjo, nakanamo Absalom siagang sikontu tu Israel, “Anjo kana pangngunju'na Husai bajikangngangi nakana pangngunju'na Ahitofel.” Memang, Batara le'ba' ampattantui laNahalangi anjo kana pangngunju' baji'na Ahitofel, sollanna nituju Absalom ri bala lompo.

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.

ROMA 1:22

Nakanai cara'de' kalenna, padahala' sikontutojenna toloi.

LUKAS 16:8

Jari nipujimi ri karaenna anjo pagawe ammolika doe' tenaya nalambusu' ri jama-jamanna, lanri cara'de'na a'boya akkala'. Nasaba' cara'dekangangi tau ammantanga lalang lino angngurusuki urusanna kala tau ammantanga lalang ri singaraka.”

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

YEREMIA 8:9

Sikamma tau cara'de' niaka ri tangnga-tangnganu lanipakasiriki. Lamatei akkala'na ke'nanga siagang lanaallei sikko'. Taerokai ke'nanga ampilangngeri pappakaingakKu; kamma-kamma anne, kacara'dekang apa mami nia' ri ke'nanga?

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

KATO'BA 10:1

Katingalo matea sikayu nabottoki minynya' bauka sibotolo', sike'de' katoloang ampelaki kacara'dekang tinggi dudua.

PAMMUJI 28:2

Pilangngeri pappalakku punna akkioka' appala' tulung, Kiangkaki limangku mae ri Balla' matangkasatTa.

PAMMUJI 19:7

Najappai langika battu ri cappa' se'rea mange ri cappa' maraenga; tena tanitaba ri bambanna.

AYUB 28:28

Nakana Allata'ala ri rupataua, ‘Punna ero' nugappa kacara'dekanga, musti nupakalompoi Allata'ala. Punna erokko ammahang, musti nupakabellai kaja'dallanga.’ ”

AYUB 5:12

Napassalasai rancana akkala' kodia, Napiallei sikko' na Najakkala' tau cara'de' salaya, sa'genna tajaria sikontu usahana ke'nanga, na nitipumo ke'nanga ri akkala' salana tonji.

1 SAMUEL 30:8

Nampa akkuta'nang Daud mae ri Batara angkana, “Apaka musti kuondangi anjo garombolanga? Maka akkulleji kurapi' ke'nanga?” Appialimi Karaeng Allata'ala angkana, “Iyo, ondammi; lanurapiki ke'nanga nampa nulappassang sikamma tau nijakkalaka.”

PAMMILANGNGANG 27:21

Yosua musti appalaki pangngunju' battu ri Imang Eleazar, nampa Eleazar musti napakkuta'nangngangi apa erokKu ammake Urim siagang Tumim. Kammaminjo carana Eleazar ampimpingi Yosua siagang sikontu bansa Israel lalang sikontu passala' nadallekanga ke'nanga.”

2 SAMUEL 15:31

Ri wattunna nipauang Daud angkanaya amminawang tongi Ahitofel assikongkolo' siagang Absalom, appala' doammi Daud kamma anne, “O, Batara, poro tena lalo Kipa'jari kana-kananna Ahitofel!”

2 SAMUEL 17:1

Tena nasallo le'ba'na anjo kammaya, nakanamo pole Ahitofel mae ri Absalom, “Kikellaima' ammile 12.000 jaina tau. Sinampe' punna bangngi la'lampa' angngondangi Daud.