2 SAMUEL 16:19 - KITTA' MATANGKASA'

¹⁹ Nampa pole, inaipi lakulayani? Sai ana' bura'nena mami karaengku? Kamma le'ba'na kulayani manggeta karaeng, kamma tomminjo lakulayaniki' karaeng ri kamma-kammana anne.”

2 SAMUEL 16:19 Referans Kwoze

2 SAMUEL 15:34

Mingka akkulleko antulunga' punna ammoterekko mae ri kotaya nampa nukana ri Absalom, angkanaya kamma-kamma anne erokko allayani mae ri ia siagang pa'mai' tamamminranu, sangkamma batena nulayani manggena riolo. Punna kamma anjo caranu akkullei nuhalangi kana-kana pappaunju'na Ahitofel.

PAMMUJI 55:21

Le'ba' belaku nabunduki agang-aganna, nakaluppai janjinna.

GALATIA 2:13

Amminawang turu' tommi sari'battang tu Yahudi maraenga a'jari munape' sangkamma Petrus. Sa'genna manna Barnabas kuturu'-turukang todong a'gau' kamma ke'nanga.

1 SAMUEL 29:8

Appialimi Daud angkana, “Kasalang apa nagaukang atanta, karaeng? Situru' kananta, tena apa-apa kasalang ri atanta baku' appakkaramulana atanta allayaniki' sa'genna kamma-kamma anne. Mingka angngapa natena nikellai atanta amminawang a'bundu' angngewai musunta?”

1 SAMUEL 28:2

Appialimi Daud angkana, “Tantumi, sallampi nakicini' karaeng, angkana apa akkulle nagaukang anne atanta.” Nampa nakanamo Akhis, “Baji'mi! Kuangka' mako a'jari pangawalakku attantua.”

2 SAMUEL 16:18

Appialimi Husai angkana, “Antekamma olona! Inakke kualleangangi tau Napilea Batara, nipilea ri sikamma anne taua, siagang nipilea ri sikontu tu Israel. Iaminjo taua lakupinawang.

2 SAMUEL 16:20

Nampa nakanamo Absalom mae ri Ahitofel, “Paumi apa musti nigaukang.”