2 SAMUEL 15:6 - KITTA' MATANGKASA'

⁶ Kammaminjo batena Absalom mae ri sikamma tu Israel eroka ampabattui parkarana mae ri karaenga, na lanri kammana anjo nanaallemo pa'mai'na tu Israel.

2 SAMUEL 15:6 Referans Kwoze

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

PANGNGEBARANG 11:9

Pa'bicaranna tau ja'dalaka ammanraki; kacara'dekanna tau bajika lappasalamaki.

2 SAMUEL 15:13

Nampa nia'mo sitau angngerang kabara' siagang a'laporo' mae ri Daud angkana, “Sikamma tu Israel agang maemi ri Absalom.”

DANIEL 11:21

Nakanamo pole anjo malaekaka, “Karaeng ribokoangannaya lammarenta ri pa'rasangang wara', iamintu tau tuna siagang tenaya ha'na a'jari karaeng. Mingka tanisanna-sannayai nania' battu, siagang appareki akkala' nakkulle naalle empoang kakaraenganga.

KATO'BA 4:15

Kunawa-nawai passala'na sikontu rupataua ri anne linoa, nakuassemmo angkanaya mattantu nia' ri alla'na ke'nanga sitau tu rungka lansambeangi karaenga.