2 SAMUEL 15:36 - KITTA' MATANGKASA'

³⁶ Ahimaas ana'na Zadok siagang Yonatan ana'na Abyatar amminawang tongi ri manggena ke'nanga, jari nia' tongi ke'nanga anjoreng. Iaminjo ana'-anaka nusuro battu untu' ampabattui mae ri nakke sikontu kabara' nulangngereka.”

2 SAMUEL 15:36 Referans Kwoze

2 SAMUEL 17:17

Lalanna anjo wattua Yonatan ana'na Abyatar siagang Ahimaas ana'na Zadok sitabangi attayang ri ampi'na timbuseng je'neka ri En-Rogel, ri birinna kota Yerusalem. Tena nabarani ke'nanga antama ri kotaya lanri mallaki nicini' ri taua. Sangkamma biasaya, nia' sitau ata baine ampabattui mae ri ke'nanga punna nia' kabara' musti nilaporo' mae ri Karaeng Daud.

2 SAMUEL 15:27

Nampa nakana pole karaenga ri Zadok, “Kioki Ahimaas ana'nu siagang Yonatan ana'na Abyatar; ammotere' mako siagang sannang mae ri kotaya.

2 SAMUEL 17:15

Le'baki anjo a'laporo'mi Husai mae ri Imang Zadok siagang Imang Abyatar ri passala'na kana pangngunju'na Ahitofel siagang kana pangngunju' kalenna mae ri Absalom siagang sikamma pamimpinna tu Israel.

1 KARAENG-KARAENG 1:42

Tenapa nale'ba' a'bicara Yoab, ti'ring battumi Yonatan, ana'na Imang Abyatar. Nakanamo Adonia, “Antamakko mae. Ikau tau bajikko, tantu kabara' baji' todong nuerang.”