2 SAMUEL 14:32 - KITTA' MATANGKASA'

³² Appialimi Absalom angkana, “Lanri tenana nuero' battu ri wattunnu kukio'. Erokka' assuroko mange andallekang ri karaenga siagang ampabattui anne pakkuta'nangku, ‘Apa matu-matunna kubokoi Gesur siagang ammotere' mae anrinni? Bajikangngang anjoremma' ammantang.’ ” Siagang nakana pole Absalom, “Usahakangi sollangku akkulle andallekang ri karaenga, siagang punna nicini' tau sala ija', sadiama' lanihukkung mate.”

2 SAMUEL 14:32 Referans Kwoze

PANGNGEBARANG 28:13

Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

1 SAMUEL 20:8

Appala' tulunga' ri kau, nasaba' le'ba' maki' assijanji ri dallekanNa Batara. Mingka punna nia' salangku, bunoma', mingka teako passareangia' mae ri manggenu.”

KALAPPASSANG 14:12

Nakana memang ikambe riolo angkanaya lakammai anne kajarianna! Nipauang memang jako angkanaya tea' mako ganggui ikambe; lappassang tommi ikambe a'jari ata ri Mesir. Bajikangngangi a'jari ataya anjoreng kala matea anrinni ri parang lompoa!”

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

MATIUS 25:44

Appialimi ke'nanga ri Ia angkana, ‘O, Batara, ringngapanna nakucinikKi' cipuru', yareka turere, yareka nitarungku, yareka a'jari tu battu-battu, yareka taccare-carea, yareka garring, natakutulungaKi'?’

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

PAMMUJI 36:2

A'bicarai dosaya ri ati mailalanna tu ja'dalaka, tena sikali malla'na mae ri Allata'ala.

1 SAMUEL 15:13

Assibuntulu'na Samuel siagang Saul, nakanamo Saul ri ia, “Tapporo Nabarakkakiki' Batara bapa'! Le'ba'mi kugaukang Naparentakanga Batara.”

KALAPPASSANG 17:3

Mingka sanna' ngaseng turerena ke'nanga siagang tuli a'moro'-moromi ke'nanga ri Musa. Nakana ke'nanga, “Angngapa nuerangi ikambe assulu' ri butta Mesir? Nukellai ikambe siagang ana'-ana'na ikambe kammayatompa olo'-olo'na ikambe mate napakamma turere?”

KALAPPASSANG 16:3

Nakana ke'nanga, “Bajikangngangi ebara' angkana matemi ikambe nibuno ri Batara ri butta Mesir. Anjoreng kaminang sike'de'na akkullei ikambe ammempo angnganre dageng siagang roti sa'genna bassoro' ikambe. Mingka ikau sipa'rua nuerangi ikambe mae anrinni sollanna mate cipuru' ngaseng ikambe anrinni.”

PA'JARIANG 3:12

Appialimi anjo bura'nea angkana, “Anjo baine Kipassareanga angngaganga' ansarea' anjo rappoa, sa'genna kukanre.”

2 SAMUEL 3:3

Kileab. Amma'na iamintu Abigail, jandana Nabal battua ri Karmel. Absalom. Amma'na iamintu Maakha, ana' bainena Karaeng Talmai battua ri Gesur.

2 SAMUEL 13:37

Larimi Absalom mange ri balla' kakaraengang ri pa'rasangang Gesur, iamintu Talmai ana'na Amihur. Anjorengi ammantang tallun taung sallona. Salloi susa kamateang Daud lanri Amnon,

2 SAMUEL 14:31

Nabattumo Yoab mange ri balla'na Absalom siagang akkuta'nang angkana, “Angngapai anjo ata-atannu nanatunui kokongku?”