2 SAMUEL 14:20 - KITTA' MATANGKASA'

²⁰ Mingka nanagaukang anjo kammaya lanri ero'na ampakale'baki anjo parkaraya siagang baji'. Bajikki' siagang cara'dekki' karaeng sangkamma malaeka'Na Allata'ala sa'genna akkulle kiasseng sikontu apa kajarianga.”

2 SAMUEL 14:20 Referans Kwoze

2 SAMUEL 14:17

Tappaki atanta angkanaya anjo janjinna karaengku lanatanggongi kasalamakkanna atanta lanri ikatte rapangki' malaeka'Na Allata'ala, akkullea angngassengi apa bajika siagang apa ja'dalaka. Dasi-dasi naNarurungangki' Karaeng Allata'ala!”

2 SAMUEL 19:27

Ba'lalo nipitinai atanta mae ri karaengku. Mingka ikatte rapangki' malaeka'Na Allata'ala. Lanri kammana anjo kigaukammi apa kikanaya baji' ri pa'maitta karaeng.

PANGNGEBARANG 29:5

Inai ampalecei paranna tau, attannangi sikko' untu' kalenna.

PANGNGEBARANG 26:28

Amballe-ballei paranna tau, sangkammai angkana nikabirisi. Kana-kana te'nea angngerangi bala.

2 SAMUEL 5:23

Sikalipi pole Daud appala' pangngunju' ri Batara. Appialimi Batara angkana, “Teako bunduki ke'nanga battu anrinni, mingka a'jappako a'dete' siagang bundukimi ke'nanga battu ri boko, battu ri poko'-poko' kayu murbei.

PA'JARIANG 3:5

Nakkana kamma anjo Allata'ala lanri Naassenna angkanaya punna nukanre anjo rappo kayua, latassungkei akkala'nu; la'jariko sangkamma Allata'ala siagang lanuassengi apa kodia siagang bajika.”

1 SAMUEL 29:9

Appialimi Akhis angkana, “Nuassengi angkanaya inakke kukanako tena pamminranu sangkamma malaeka'Na Allata'ala. Mingka sikamma panglimaya anjo, le'baki natappuki angkanaya tena nukkulle amminawang a'bundu' siagang ikambe.

2 SAMUEL 18:13

Siagang ebara' angkana kubunoi Absalom sumpaeng, mattantu lanaassengi karaenga, nasaba' tantu nalangngereki karaenga sikontu-kontua, kammayatompa tantu tena nalakialleia'.”

2 SAMUEL 19:28

Sikontu kaluargana manggena atanta siratangi kihukkung mate, mingka anne inakke atanta ba'lalo kisarea' pangngellai sipangnganreang ri balla' kakaraenganga. Kamma-kamma anne tabaraniami atanta appala' ija apa-apa battu ri katte karaeng.”