2 SAMUEL 14:11 - KITTA' MATANGKASA'

¹¹ Nakanamo anjo bainea, “Poro appala' doang laloki' karaeng mae ri Karaeng Allata'alata, sollanna anjo tau eroka ambalasaki kamateanna anjo ana'na atanta tena nagaukangi kaja'dallang la'bi lompoangnganga pole lanri nabunona pole ana'na atanta se'rea.” Appialimi Daud angkana, “Lanri Batara mattallasaka, anjo ana'nu tena nalaniapa-apa manna pole sike'de'.”

2 SAMUEL 14:11 Referans Kwoze

1 SAMUEL 14:45

Mingka nakanamo ra'yaka mae ri Saul, “Maka musti nihukkung matei Yonatan? Nampa ia angngerangi anne pammetang lompoa? Tena! A'janji ikambe lanri Batara attallasaka, angkanaya takkulleai tappela' uu'na Yonatan manna silawara'. Nasaba' lanri pannulunNa Batara, nanggappa pammetang anne alloa.” Kammaminjo nanipasalama'mo Yonatan battu ri hukkungang matea lanri ra'yaka.

MATIUS 10:30

Siapa jaina uu'nu irate ri ulunnu, le'ba' bilang ngasemmi.

PAMMILANGNGANG 35:19

Bija ma'reppese'na anjo tau mate nabunoa akkullei nagaukang anjo hukkungang matea. Punna nagappai anjo tau ammunoa, akkullei nabuno.

LAMPA-LAMPANA 27:34

Kupakaingakko sollannu angnganre sike'de'. Anne untu' kabajikannu ngaseng, sollannu anggappa ammotere' kagassingang. Nasaba' lasalama' ngasengko nutangngapa-apa.”

1 KARAENG-KARAENG 1:52

Appialimi Salomo angkana, “Punna bajiki panggaukanna, tena nalanihukkung manna sike'de'. Mingka punna appanggaukang ja'dalaki, musti nibunoi.”

PAMMILANGNGANG 35:21

yareka naba'ji siagang panja'guru', anjo taua pabunoi; salai siagang musti nihukkung matei. Bija ma'reppese'na anjo tau mate nabunoa akkullei nagaukang anjo hukkungang matea. Punna nagappa anjo tau ammunoa, akkullei nabuno.

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

1 SAMUEL 28:10

Nampa assumpamo Saul angkana, “Lanri arenNa Batara mattallasaka, a'janjia' angkanaya tena nalanihukkungko lanri nugaukanna anne.”

1 SAMUEL 20:42

Nampa nakanamo Yonatan ri Daud, “Tapporo Natulung laloko Allata'ala. LaNajamingi Batara angkanaya ikatte siagang turunganta tuli lanata'gala' jarreki parjanjianta sipa'rua ri dallekanNa Allata'ala.” Le'baki anjo a'lampami Daud, nampa a'lampa tommo Yonatan ammotere' mange ri kotaya.

PA'JARIANG 31:50

Nakanamo pole Laban, “Punna a'gau' kodiko mae ri ana'-anakku, yareka a'buntingko baine maraeng, manna pole tena naassengi taua, u'rangi angkanaya Najannangngiki' Allata'ala.

PA'JARIANG 14:22

Mingka appialimi Abram nakana, “Assumpa' ri dallekanNa Batara, Allata'ala Kaminang Tinggia, ampa'jariai langika siagang buttaya,

2 SAMUEL 14:10

Appialimi karaenga angkana, “Punna nia' tau anggammarakko, erangi anjo taua mae ri nakke, nampa situlusu'na mattantu tenamo nalanasusaiko pole!”

2 SAMUEL 14:12

Nampa nakanamo anjo bainea, “O, karaeng mala'birikku, poro kikellaia' a'bicara pole sike'deppi.” Appialimi karaenga angkana, “Baji'mi.”

2 SAMUEL 14:21

Le'baki anjo nakio'mi karaenga anjo Yoab nampa nakana ri ia, “Anjo apa nukaerokia lakugaukangi. A'lampamako mange ambuntuli Absalom siagang erammi ammotere' mae anrinni.”