2 SAMUEL 13:22 - KITTA' MATANGKASA'

²² Naboli'-boli'mi larro duduna Absalom mae ri Amnon siagang taerokami angngagangi akkana lanri le'ba'na nagau' sala andi'na iamintu Tamar.

2 SAMUEL 13:22 Referans Kwoze

PA'JARIANG 31:24

Ri wattunna bangngi battumi Allata'ala mae ri Laban lalang so'na, na Nakana, “Tutuko, tea' laloko garattaki Yakub manna sibuku kana.”

1 YOHANES 3:15

Inai-nai angkabirisi paranna tau iami pabuno tau; na nuassemmo angkanaya anjo tau kammaya takkulleai nagappa katallassang sitojennaya siagang mannannunganga.

PA'JARIANG 24:50

Appialimi Laban siagang Betuel angkana, “Lanri anne apa kajarianga battui ri Batara, tena nasiratang ikambe antappuki.

1 YOHANES 2:11

Mingka inai-nai angkabirisi sari'battanna, ma'nassa lalammi ri sassanga. Lalammi ri sassanga a'jappa, siagang tanaassengami angkana la'lampa kereimae, nasaba' takkulleai accini' napakamma anjo sassanga.

1 YOHANES 2:9

Inai-nai nakana kalenna niaki lalang ri singaraka mingka nakabirisi sari'battanna, ma'nassa niaki lalang ri sassanga sa'genna kamma-kamma anne.

EFESUS 4:31

Pela'mi sikontu pa'risi' pa'maika, sentimenga, siagang larroa. Tea' mako pole akkio'-kioki sipakka'-pakkanai. Pela'mi sipa' sikabirisia yareka sipa'-sipa' sangkammaya anjo.

EFESUS 4:26

Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.

MATIUS 18:15

“Punna sala sari'battannu ri kau, battuko mae ri ia nanupauang kasalanna. Ikau tommo sipa'rua punna nupauangi. Na punna napilangngeriji kanannu, nugappamintu ammotere' anjo sari'battannu.

KATO'BA 7:9

Teako linta' dudu larro; tau toloaji bawang ammoli' larro.

PANGNGEBARANG 26:24

Tau mangngabirissia te'nei kana-kananna mingka atinna rassi balle-balle.

PANGNGEBARANG 25:9

Punna sisala pahangko agannu, ia tommo bawang nuagang ampa'le'baki, mingka rahasiana tau maraenga teako sungkei.

PANGNGEBARANG 10:18

Tau accokkoa kabirisang iami patipu. Tau appa'la'banga pitina iami tau dongo'.

PA'JARIANG 31:29

Gannaki kagassingangku untu' a'gau' ja'dala' ri kau punna erokka'. Mingka ri bangngia niaki Allata'ala napakalompoa manggenu ampakaingaka' sollanna tena sikali kugarattakko.

1 YOHANES 3:10

Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.

1 YOHANES 3:12

Teako sangkammai Kain, ia battua ri I Ja'dala' assala'na, siagang ambunoai sari'battang kalenna. Apa saba'na nanabuno Kain sari'battanna? Nasaba' salai anjo apa-apa nagaukanga mingka annabai anjo apa-apa nagaukanga sari'battanna.

2 SAMUEL 13:21

Nalangngereki Daud anjo apa kajarianga, siagang sanna'mi larrona napakamma.

PANGNGEBARANG 26:26

Manna nacokkoi kabirisanna, sikontu taua naciniki kaja'dallanna.