2 SAMUEL 13:19 - KITTA' MATANGKASA'

¹⁹ Nampa naboneimo au ulunna Tamar, nakekkeki jubana, siagang natongko'mi rupanna siagang rua limanna nampa angngarru' pacce nyawana.

2 SAMUEL 13:19 Referans Kwoze

YEREMIA 2:37

Lanubokoi Mesir siagang la'ba pa'mai' siagang siri'-siri'. INakke, Batara, antollaki ke'nanga tau nupattoanga; tena apa-apa passawallang lanugappa battu ri ke'nanga.”

YOSUA 7:6

Sanna'mi si'nana pa'mai'na Yosua siagang sikamma pamimping umma'na Israel sa'genna nakekke'-kekke' pakeanna ke'nanga, siagang su'ju'mi ke'nanga sila'busu' allo ri dallekanna Patti ParjanjianNa Batara; nasareimi au ulunna ke'nanga salaku pammatei ri si'nana pa'mai'na ke'nanga.

2 SAMUEL 1:11

Nalangngere'na Daud anjo kammaya, nakekke'mi pakeanna lanri si'nana. Na sikontu ana'-ana'na appakamma ngaseng tommi.

2 SAMUEL 1:2

Ammukona, nia'mo se're tu rungka battu ri pakkemaanna Saul. Salaku pammatei angkanaya susa kamateangi, nakekke'mi pakeanna siagang naboneimi butta ulunna. A'lampai mange ri Daud nampa su'ju' ri dallekanna.

AYUB 42:6

Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

AYUB 2:12

Mingka nacini' battu bellana ija ke'nanga anjo Ayub, sike'de' mami ke'nanga natanarupaya anjo Ayub. Angngarru' lompomi ke'nanga siagang nakekkeki pakeanna kammayatompa appasimbummi limbu'bu' nai' ri allaka siagang nai' ri ulunna ke'nanga.

ESTER 4:1

Nalangngere'na Mordekhai anjo apa kajarianga, nakekke'mi pakeanna, nampa ammake kaeng karung, a'jari pammatei angkana si'nai. Nakiorimi au ulunna, nampa a'jappa ri kotaya angngarru' lompo appakadinging-dinging pa'mai'.

1 SAMUEL 4:12

Nia' sitau battu ri suku Benyamin lari battu ri tampa' pa'bundukanga mange ri Silo, na battu mange anjoreng ia memang anjo alloa. Untu' a'jari pammatei ri susana, nakekke'-kekke'mi care-carena na naboli' ri ulunna.

PA'JARIANG 37:29

Ri wattunna ammotere' Ruben mange ri anjo bungunga nampa tanabuntulamo Yusuf anjoreng, nakekke'mi bajunna lanri si'nana nyawana.

2 SAMUEL 13:20

Ri wattunna nacini' Absalom appakamma anjo, akkuta'nammi ri ia angkana, “Apaka nagau' salako sumpadeng Amnon? Sudamo andi', tea' mako nawa-nawai pole anjo. Sai ia daennui. Jari teako paui anne passalaka manna pole ri nai.” Nampa naalleimo kalenna Tamar mae ri balla'na Absalom, siagang sanna'mi si'nana nyawana na sino nasa'ring.