2 SAMUEL 13:14 - KITTA' MATANGKASA'

¹⁴ Mingka taerokai Amnon mannuruki, siagang lanri la'bi gassingi, napassami andi'na naagang sikatinroang.

2 SAMUEL 13:14 Referans Kwoze

2 SAMUEL 12:11

Assumpa' angkanaya laKupitujuiko bala, iamintu battua ri kaluarga kalennu. LaKuallei sikamma bainennu ri dallekang matannu siagang Kupassareangi mae ri tau maraenga assikatinroanga siagang ke'nanga ri tangngana alloa.

ESTER 7:8

Tappu' minasami Haman, nampa nabuang kalenna ri katinroanna Ester, untu' appala' popporo'. Mingka sitabang le'baki anjo wattua ammotere'mi karaenga battu ri koko balla' karaenga. Nacini'na Haman appakamma anjo, ammarammi karaenga nakana, “Apa? Barani ijako pole anggau' salai bainengku anrinni, ri dallekangku siagang balla' kakaraengang kalengku?” Tasalloai le'ba'na akkana kamma karaenga, battumi sikamma palayang balla' karaenga ambomboki ulunna Haman.

HAKING-HAKING 20:5

Nampa battu anjo tu Gibeaya ri wattu bangngina amboya'. Nalipungi balla' pa'bangngiangku lanri eroki ke'nanga ambunoa', mingka kale'bakkanna baine piaraku naalle napassa nagau' sala ke'nanga sa'genna mate.

KAIMANGNGANG 18:9

Teako assikatinroangngi siagang sari'battang bainenu yareka sari'battang aonu, baji' nipakalompoa lalang julu balla'nu kammayatompa nipakalompoa ri balla' maraenga.

PAOLE 27:22

‘Nitunrai tau assikatinroanga siagang sari'battang bainena battua ri amma'na, yareka sari'battang se're mangge se're amma'.’ ‘Aming!’

2 SAMUEL 13:15

Mingka le'baki anjo sanna'mi birisi'na Amnon mae ri Tamar siagang anjo birisi'na la'bi lompoangngangi napangngainna ri uru-uruna. Nampa nakanamo ri anjo andi'na, “Assulukko!”

PA'JARIANG 34:2

Ri wattunna nicini' Dina ri Sikhem, iamintu ana'na Hemor tu Hewi, a'jari karaenga ri anjo daeraya, nalariammi Sikhem anjo tuloloa, nampa napassa nagau' sala.