2 SAMUEL 12:4 - KITTA' MATANGKASA'

⁴ Ri se'reang allo nibattui ri toana anjo lapung tau kalumanynyang. Taerokai anjo lapung tau kalumanynyanga ampolongi gimbala'na yareka sapi kalenna sollanna nipalluangi anjo toananna. Mingka naallei ana' gimbala'na anjo lapung tau kasi-asia, nampa napalluang toananna.”

2 SAMUEL 12:4 Referans Kwoze

YAKOBUS 1:14

Mingka iapa nata'goda se'rea tau punna nipagio' siagang nikai' ri kaerokang ja'dala'na.

HAKING-HAKING 19:17

Ri wattu nacini'na anjo tau toaya anjo tu Lewia nia' ri lapanganga, akkutanammi angkana, “Battu kemaeko sari'battang, siagang la'lampa kemaeko?”

2 SAMUEL 12:3

nampa anjo kasi-asia poro sikayuji bawang ana' gimbala'na naballia. Anjo ana' gimbalaka naparakai sa'genna a'jari lompo lalang balla'na siagang ngaseng ana'-ana'na. Anjo ana' gimbalaka nasarei kanre battu ri kanrena anjo taua, ba'lalo je'ne' inung battu ri cangkiri'na, siagang attinroi lalang ri riwaanna; bodona kana, napareki sangkamma ana' baine kalenna.

2 SAMUEL 12:5

Nalangngere'na Daud anjo carita kammaya, a'jari teaimi sipato' larrona mae ri panggaukanna anjo lapung tau kalumanynyanga siagang nakanamo, “Palla' sikali anjo tau kalumanynyanga! Lanri Batara, anjo taua musti nasambei anjo ana' gimbalaka a'lappi appa' siagang musti nihukkung matei!”