2 SAMUEL 12:1 - KITTA' MATANGKASA'

¹ Le'baki anjo Nasuromi Batara Na'bi Natan mange angngagangi sibuntulu' Daud. A'lampami Natan mae ri ia na nakana, “Nia' rua tau ammantang lalang ri se'reang kota; anjo se'rea kalumanynyangi nampa anjo se'reanga pole kasi-asi.

2 SAMUEL 12:1 Referans Kwoze

2 KARAENG-KARAENG 1:3

Mingka nasuroi malaeka'Na Batara Na'bi Elia, iamintu na'bi battua ri Tisbe, a'lampa angngagangi sibuntulu' anjo sikamma tau nasuroa Karaeng Ahazia untu' angkana, “Apaka tena Allata'ala ri Israel sa'gennu ero' a'lampa appala' pitunju' mae ri Baal-Zebub, anjo rewatana kota Ekron?

1 KARAENG-KARAENG 18:1

Le'baki siapa are wattu sallona, ri makatallun taung ri anjo wattu timoroka, Nakanamo Batara ri Elia, “A'lampako mange andallekang ri Karaeng Ahab, tasalloami nalaKupaturung bosia.”

1 KARAENG-KARAENG 13:1

Anjo wattua nia' sitau na'bi ri Yehuda. Nisuroi ri Batara a'lampa mange ri Betel. Battui anjo na'bia mange anjoreng sitabanna ammenteng Yerobeam ri dallekanna tampa' pakkoro'bangnganga untu' assare koro'bang.

2 SAMUEL 14:14

Ikatte lamate ngasengki'; ikatte anne rapangki' je'ne' tattumpaya naung ri buttaya siagang tenaya nakkulle nipasse're ammotere'. Manna Allata'ala tena todong nalaNapattallasa' ammotere' tau mateamo; lanri kammana anjo poro kiusahai laloi karaeng sollanna akkulle ammotere' poleang tau nipelaka.

2 SAMUEL 11:25

Nakanamo Daud ri anjo tunisuroa, “Pakajarreki pa'mai'na Yoab siagang pauangi sollanna tena naca'di pa'mai'na, nasaba' takkulleai nitappu angkanaya inai lamate lalang ri pa'bundukanga. Pauangi sollanna napakajai siagang la'bi naterassi majua mae ri anjo kotaya sa'genna tundu' anjo kotaya.”

2 SAMUEL 7:17

Nampa napau Na'bi Natan mae ri Daud sikontu apa le'baka Napa'nyata Allata'ala mae ri ia.

2 SAMUEL 12:2

Anjo lapung kalumanynyanga jai olo'-olo' parakana siagang gimbala'na,

1 KARAENG-KARAENG 1:8

Mingka Imang Zadok, Benaya ana'na Yoyada, Na'bi Natan, Simei, Rei siagang pangawala' ri kalenna Karaeng Daud, tena nammenteng ri Adonia.

1 PATTOTTORANG 29:29

Ia riwaya'na Karaeng Daud battu ri pakaramulanna sa'genna kala'busanna le'ba'mi nicata' lalang ri kitta' Na'bi Samuel, Na'bi Natan, siagang Na'bi Gad.

YESAYA 39:3

Nampa battumo Na'bi Yesaya andallekang siagang akkuta'nang ri Karaeng Hizkia angkana, “Battu kemae ngasengi anjo taua? Apa nakana ke'nanga?” Appialimi Hizkia angkana, “Battu ri Babel ke'nanga, pa'rasangang bella.”

1 KARAENG-KARAENG 21:18

“Kamma-kamma anne Ahab, anjo karaeng Samaria, niaki lalang ri koko anggoro'na Nabot, eroki naalle anjo kokoa na'jari kalenna pata. Jari, a'lampako mange anjoreng,