2 SAMUEL 11:2 - KITTA' MATANGKASA'

² Ri se'reang karueng, ambangung tinrona Daud, a'jappa-jappai irate ri pattongko' lappara'na balla' kakaraenganga. Battu anjoreng nia'mo sitau baine sitabang a'je'ne', na teai sipato' ga'gana anjo bainea.

2 SAMUEL 11:2 Referans Kwoze

MATIUS 5:28

Mingka anne kamma Kukana ri kau ngaseng: Inai-nai accini' baine nabattumo cinnana a'gau' salimara', a'gau' salimara'mi siagang anjo bainea ilalang ri nyawana.

PAMMUJI 119:37

Kijagaia' sollanna tena kuondangi apa tenaya matu-matunna, Kisarea' tallasa' situruka erotTa.

1 YOHANES 2:16

Sikontu apa-apa niaka ilalang ri anne linoa, iamintu sikontu apa-apa nakaerokia sipa'-sipa' ma'rupatauna tau dorakaya, sikontu apa-apa nicinika siagang eroka nikammai, siagang sikamma apa-apa akkullea nikalompoang pa'mai' ri anne linoa, yangasenna anjo teai Allata'ala Manggea assala'na: passangalinna battu ri linoa assala'na.

LAMPA-LAMPANA 10:9

Ammukona alloa, lalang a'jappana ija anjo tunisuroa siagang a'biringamo battu mange ri Yope, nai'mi Petrus ri ballaka ero' appala' doang.

PANGNGEBARANG 6:25

Teako erokki nigoda ri kaga'ganna ke'nanga, teako takkontakki mae ri mata manynyonyo'na ke'nanga.

AYUB 31:1

“Le'ba'ma' assumpa siagang janji talaniakkami cinnaku anciniki tau loloa.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

PANGNGEBARANG 31:30

Tanja' ga'gaya takkulleai nipatappa', siagang kaga'ganga lalanynyaki; mingka baine mappilangngeria ri Batara siratangi anggappa pammuji.

PAOLE 22:8

Punna ambangungko balla', musti apparekko kalli' ri tammulilina biring pattongko'na anjo ballaka. Jari tena nanibattalliko punna nia' tau tu'guru' battu rate ri pattongko'na anjo ballaka sa'genna mate.

PA'JARIANG 3:6

Naciniki anjo bainea angkanaya antekamma ga'gana anjo poko' kayua, siagang nyamangi nikanre rapponna. Na napikkiriki angkanaya teai sipato' baji'na punna a'jari bajiki pangngassenganna. Jari naallemi rapponna anjo poko' kayua, nampa nakanre. Nampa nasare todong bura'nenna, na nakanre todong bura'nenna.

MATIUS 10:27

Apa-apa Kupabattua ri kau lalang ri sassanga, musti nupabattu poleangi lalang ri singara'na alloa. Siagang apa-apa nipa'bicikanga ri tolinnu, pa'la'bangi sa'genna ri kere-keremae!

YEREMIA 19:13

Sikontu balla' niaka ri Yerusalem siagang sikontu balla' karaenga ri Yehuda lanipa'jari rantasaki sangkamma Tofet; lanri irate ri tompo'na sikamma anjo ballaka le'ba'mi taua attunu dupa untu' rewata-rewata ri langi', siagang assare koro'bang anggoro' untu' rewata-rewata maraeng.”

PANGNGEBARANG 19:15

A'malasa'-malasaka akkullei napajannang tinrona taua, kale'bakkanna lanaallei cipuru' anjo lapung tau malasa'.

2 SAMUEL 4:7

Tulusuki ke'nanga antama' ri bili' katinroanna Isyboset, sitabanga attinro jannang, nampa natobo' sa'genna mate. Napolongi kallonna ke'nanga nampa naerang ulunna a'lampa. Sipattangi bujuru' ke'nanga a'jappa allalo ri Ka'bung Lappara'na Yordan.

PA'JARIANG 34:2

Ri wattunna nicini' Dina ri Sikhem, iamintu ana'na Hemor tu Hewi, a'jari karaenga ri anjo daeraya, nalariammi Sikhem anjo tuloloa, nampa napassa nagau' sala.

PA'JARIANG 6:2

nicini'mi ri sikamma rewataya angkanaya ga'ga-ga'ga ngasengi anjo tuloloa. Jari nabuntingimi ke'nanga anjo tulolo massing nangaia ke'nanga.

2 SAMUEL 4:5

Anjo ruaya perwira, iamintu Rekhab siagang Baana a'lampai mange ri balla'na Isyboset na battu mange anjoreng ri wattu tangngana alloa, sitabanna attinro allo Isyboset.

1 SAMUEL 9:25

Le'baki anjo naummi ke'nanga battu ri tampa' passambayanganga nampa antama' ri kotaya. Nisaremi Saul katinroang irate ri pattongko'na ballaka,

PA'JARIANG 39:6

Sikontu apa-apa napatanga Potifar napappirannuang ngasengi mange ri Yusuf. Kammaminjo natenamo napangngassengi Potifar sikamma urusanga lalang balla'na, pantaranganna nikanaya apa nakanrea. Anjo Yusuf sanna' gammara'na siagang sanna' ga'gana.

MATIUS 24:17

Tau niaka irate ri pattongko'na ballaka teami naungi angngalle apa-apa battu lalang ri balla'na.

PA'JARIANG 12:11

Ri wattu ero'na allalo ri pa'baeng-baenga naero' antama' ri pa'rasangang Mesir, nakanamo ri bainenna, “Kau ga'ga sikaliko.

PAOLE 5:21

Teako kacinnai barang-baranna parannu tau: kammaya balla'na, buttana, bainenna, ata-atanna, olo'-olo'na, keledaina yareka manna apa-apa mamo napatanga parannu tau.’

2 SAMUEL 13:1

Absalom ana' bura'nena Daud nia' andi'na sitau baine ga'ga, niareng Tamar. Amnon, ana' bura'nena Daud battu ri bainenna maraenganga, eroki mae ri Tamar

2 SAMUEL 14:27

Nia' tallu ana' bura'nena Absalom siagang sitau ana' bainena sannaka ga'gana niareng Tamar.

PANGNGEBARANG 7:8

Ri karuenna alloa, ri appakkaramulanamo sassanga, a'jappa-jappami anjo lapung tau rungka ri ampi'na pa'bilukanga, ri oloang mangea ri tampa' pammantanganna se'rea baine.