2 SAMUEL 11:15 - KITTA' MATANGKASA'

¹⁵ Natulisiki lalang sura' angkana, “Suroi Uria maju ri pa'bundukang kaminang ri dallekanga, ri tampa' kaminang sarroa pa'bundukanga, nampa ammundurukko kau natena naassengi sollanna mate lalang bundu'.”

2 SAMUEL 11:15 Referans Kwoze

2 SAMUEL 12:9

Angngapa natena nujampangi parenta-parentaKu? Angngapa nanugaukang anjo kaja'dallang kammaya? Nusuro bunoi Uria lalang pa'bundukang; nulappassangi nibuno ri tu Amon, siagang nualleangi bainenna!

1 SAMUEL 18:17

Nausahakammi Saul sollanna akkulle nibuno ri tu Filistin lalang ri pa'bundukanga, sollanna teai kalenna ambunoi. Jari ri se'reang allo nakanamo Saul ri Daud, “Merab ana' tulolongku kaminang toaya lakupasiallei siagang ikau, assala' nupappicinikang kabaraniannu lalang ri pa'bundukanga untu' Batara.”

YEREMIA 20:13

Makkelongko mae ri Batara siagang pujimi nasaba' Ia allappassangi tau nijallakkanga battu ri koasana tau dorakaya.

PAMMUJI 51:14

Kipa'jari rannua' pole lanri kasalamakkang battua ri Katte, sarea' ati rella untu' mannuruki ri Katte.

PAMMUJI 51:4

Kibissai sikontu kaja'dallangku; Kitangkasia' battu ri dosaku.

2 SAMUEL 11:17

Ri wattunna assulu' tantara musua battu ri kotaya siagang namajui pasukanna Yoab, nia' siapa are perwira pasukanna Daud nibuno, kammayatompa Uria.

1 SAMUEL 18:25

Nampa nasuromo Saul ke'nanga akkana kamma anne ri Daud, “Nakaerokia karaeng untu' a'jari sunrang poro 100 bawang bi'bi' ulunna tu Filistin, a'jari pa'balasa' mange ri musunna karaenga.” (Kammaminne carana Saul angngusahakangi sollanna nibuno Daud ri tu Filistin.)

1 SAMUEL 18:21

Napikkiriki angkana, “Baji'mi nakupappirarang Mikhal mae ri Daud, sollanna naalle sikko' Daud, nampa akkulle nibuno ri tu Filistin.” Jari untu' makapinruanna Saul nakanamo ri Daud, “Kamma-kamma anne akkulle mako a'jari mintungku.”

2 SAMUEL 11:16

Jari lalang nakurunna Yoab anjo kotaya, nasuromi Uria a'lampa mange ri tampa' naassenga angkanaya nijagai kassaki ri musua.

1 KARAENG-KARAENG 15:5

Kammaminjo Nagaukang Batara lanri nipakasannangi atinNa ri Daud. Tena nale'ba' Daud ambalang parekangi parenta-parentaNa Batara, pantaranganna ri parkarana Uria, anjo tau battua ri Het.

KATO'BA 8:11

Angngapa nagampang kamma taua anggaukangi kaja'dallanga? Lanri tenana nalinta' nipitabai hukkungang.

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.