2 SAMUEL 11:13 - KITTA' MATANGKASA'

¹³ Jari angnganremi siagang nipainummi jai-jai sa'genna nasa'ring. Mingka anjo bangngia tena tongija nammotere' Uria mange ri balla'na, passangalinna attinroi a'lapara' kalimbu' ilalang ri bili'na pangawala'na balla' kakaraenganga.

2 SAMUEL 11:13 Referans Kwoze

HABAKUK 2:15

Nitunraiko ikau! Nuhinai siagang nupakasiriki singngampi'-ampi' balla'nu; nupa'jari ke'nanga ta'royong-royong rapang tau nasa'ring.

PANGNGEBARANG 20:1

Inungang terasaka napa'jari kurangajaraki siagang ricui taua. Toloi tau angnginunga sa'genna nasa'ring.

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

2 SAMUEL 11:9

Mingka tammoterai Uria passangalinna attinroi ri dallekanna pakke'bu' lompona balla' kakaraenganga siagang ngaseng pangawala'na karaenga.

2 SAMUEL 13:26

Nampa nakanamo Absalom, “Punna padeng kamma, kilappassammi sari'battangku Amnon angngagangi ikambe.” Nakanamo karaenga, “Teami amminawangngi battu.”

PANGNGEBARANG 23:29

Nuassengi apa kajarianna ri tau angnginunga anggoro' jai dudu, na masarro nakasia' inungang terasaka? Anjo taua a'jari sessai siagang pa'risiki ri katallassanna. Tuli a'besereki siagang akkunrarengi. Ejai matanna siagang a'bokka'-bokkaki kalenna, na sikontutojenna akkulle ngasenji naliliang anjo sikammaya.