2 SAMUEL 1:23 - KITTA' MATANGKASA'

²³ Saul siagang Yonatan, kamma sombere'na siagang nikamaseangi; tuli akkana se're lalang tallasa'na siagang lalang matena; la'bi lintaki na jangang-jangang garuda, la'bi gassingi na singa rungkaya.

2 SAMUEL 1:23 Referans Kwoze

YEREMIA 4:13

Ciniki, ammumbami musua sanrapang rammang. Kareta-kareta pa'bundu'na rapangi anging barubu, jarang-jaranna gassingangngangi larina najangang-jangang rajawali. Cilaka maki'! Panra' maki'!

HAKING-HAKING 14:18

Jari ri maka tujuna alloa, ri tenanapa nalabu alloa, nakanamo anjo ke'nanga mae ri Simson, “Apaya la'bi te'neangngang na bania? Na apaya pole kassakangang na singaya?” Appialimi Simson angkana, “Kapunna tena nakusuro bainengku, takkulleako angngissengi battuanna anjo tappu-tappuanga!”

PIRAUNG 4:19

Sanna' gassinna lari tau angngondanga ri kambe la'bi gassing larina na jangang-jangang rajawalia. Iratei ri moncong ke'nanga angngondangi ikambe, na naruppai ikambe ri parang lompoa.

PANGNGEBARANG 30:30

Singa, olo'-olo' kaminang kassaka ri sikontu olo'-oloka siagang tenaya namalla' manna ri apa-apa mamo;

AYUB 9:26

Sanrapang biseang kancang, allalomi linta' tallasakku, sallinta' balangkoa' anri'ba' naung angngalle ana' jangang.

1 SAMUEL 18:1

Le'baki Saul siagang Daud a'bica'-bicara, niangka'mi Daud ri Saul a'jari pagawena. Nappakkaramula anjo alloa tenamo nipa'biangi ammotere' mange ri balla'na tau toana. Yonatan, ana'na Saul, nalangngereki anjo pambicaranga. Sanna' todong ngangaina anjo Daud, siagang nakamaseangi sangkamma batangkalenna.

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.

1 PATTOTTORANG 12:8

Ri wattu nia'na Daud ri pattampakkanna ri parang lompoa, jai pejuang masahoro' siagang niaka pangalamanna battu ri suku Gad battu a'gabung mae ri ia. Iami ke'nanga pejuang-pejuang sannaka cara'de'na ammake sanjata poke siagang pa'lapa' barambang; sanna' ngaseng baranina ke'nanga sanrapang singa, siagang lacciri' sikali ke'nanga sanrapang jonga.

2 SAMUEL 23:20

Nia' sitau maraengannaya masahoro' iamintu Benaya ana'na Yoyada tu Kabzeel. Ia sanna' baranina. Nia' rua pahlawang lompo battu ri Moab le'ba' nabuno. Le'baki ri se'reang allo ri wattu naunna bosi kammaya es batu, nantama' ri se'reang kali'bong nampa ammuno sikayu singa lalang.

1 SAMUEL 20:2

Appialimi Yonatan angkana, “Teako akkana kammai! Lanri Batara, tena nulanibuno. Sikontu apa eroka nagaukang manggeku baji' naparallu yareka tena naparallu, tuli napauanga'. Jari tena olona nacokkoanga' apa eroka nagaukang mae ri kau. Lanri kammana anjo, tena natojeng anjo nupaua!”

2 SAMUEL 2:18

Tallua ana'na Zeruya niaki anjoreng, iamintu Yoab, Abisai, siagang Asael. Ia gassinna lari Asael rapangi kijang.

2 SAMUEL 1:24

He, tubaine Israel, karruki Saul karaenga! Ammodeako siagang baju eja ka'jalaka, siagang ambelo-beloako bulaeng paramata ga'gaya.

KELONG MALA'BIRI' 5:16

Tamaka baji'na pau-pauanna, yangasenna ri kalenna angngallei pa'mai'. Kammaminjo tanringku siagang sahabakku, he sikamma tulolonna Yerusalem!