2 PETRUS 3:1 - KITTA' MATANGKASA'

¹ Sikamma sari'battangku sannaka kukarimangnginna! Iaminne surakku makaruaya mae ri kau. Lalang ri anjo surakku ruaya, kuusahakammi ampabangungi pikkirang-pikkirang annabaya lalang ri kalennu.

2 PETRUS 3:1 Referans Kwoze

2 TIMOTIUS 1:6

Lanri kammana kupappiu'rangiangi mae ri kau sollanna nupattimbo anjo passare malammoro'Na Allata'ala mae ri kau ri wattunna kupatompang limangku irateanganna ulunnu.

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

1 TIMOTIUS 5:22

Teako linta' dudui ampatompangi limannu untu' angngangkaki se'rea tau a'jari palayanNa Batara. Punna a'gau' dosa taua teako katuru'-turukangi anggaukangi anjo dosaya. Jagai kalennu sollanna nutuli matangkasa'.

MATIUS 5:8

Mate'nei tau lambusu' pa'maika; nasaba' iami langngassengi Allata'ala!

PAMMUJI 73:1

Pammujina Asaf. Tamaka baji'na Allata'ala mae ri umma'Na, mae ri tau ci'nonga pa'mai'na.

PAMMUJI 24:4

Tu tenaya callanna pikkiranna siagang panggaukanna, tenaya nassumpa napare'-pare' siagang tenaya nanynyomba barhala.

2 KORINTUS 13:2

Sikamma tau le'baka a'gau' dosa ri wattu allaloa, le'ba'mi kupakainga' pirangalloang, ri wattungku makapinruang battu angkunjungiko. Kamma-kamma anne, ri wattu sikabellainta, kupakainga' poleang mako angkanaya punna battua' pole sallang, tena manna sitau ri ke'nanga lata'lappasa' battu ri hukkunganga.

IBRANI 6:9

Mingka sikamma sari'battang kukarimangngia! Manna anjo kikkana kamma tappakki' angkanaya le'ba'mi nutarima sikamma barakka' la'bi bajikanganga, iamintu bageang kasalamakkannu.

1 PETRUS 2:11

Sikamma sari'battangku, sannaka kukarimangnginna! Ikau teaiko tuma'buttana anne linoa; ikau tau battu-battu jako. Lanri kammana, kupala' tojeng-tojengi mae ri kau sollanna tena nanuturuki hawa napasu rupataua, tuli ambundukiai nyawaya.

2 PETRUS 3:8

Mingka sari'battangku ngaseng, anne se'rea passala' teako kaluppai: angkanaya ri paccini'Na Batara, anjo se'rea allo tena sisalana siagang sisa'bua taung. Anjo ruaya wattu sangkamma le'ba'ji mae ri Ia.

2 PETRUS 3:14

Lanri kammana, sikamma sari'battangku sannaka kukarimangnginna; ilalang nutayanna anjo Allo labattua, attojeng-tojengko usaha untu' a'jari tangkasa' siagang tena callannu lalang ri katallassannu ri dallekanNa Allata'ala. Siagang katutui bajiki passisambungannu siagang Allata'ala.

2 PETRUS 3:17

Mingka ikau sikamma sari'battangku sannaka kukamaseanna, nuasseng ngasemmi anne passalaka. Lanri kammana, tutu laloko, gassingka katuru'-turukangko mae ri kalinguanna anjo tau tenaya naassengi atoranga sa'gennu tu'guru' battu ri pammantangang amanga.

YUDAS 1:5

Yangasenna anjo nuasseng ngasemmi. Mingka, erokko kupakainga' ri passala' antekamma bateNa Batara ampasalamaki umma' Israel battu ri butta Mesir; mingka ribokoanganna Nabunoi sikamma tau tenaya natappa' ri alla'na ke'nanga.